| |
• Адам Глобус [e,ф,8]
• Аксана Бязьлепкіна [e,2]
• Алесь Аркуш [i,e,ф,6]
• Алесь Разанаў [1]
• Аляксей Бацюкоў [e,2]
• Аліса Бізяева [i,e,ф,17]
• Андранік Антанян [i,e]
• Андрэй Дынько [i,e,ф,3]
• Андрэй Курэйчык [i,e]
• Андрэй Хадановіч [i,e,ф,12]
• Валерыя Кустава [i,e,2]
• Валянцiн Акудовiч [i,e,ф,1]
• Вольга Караткевіч [i,e]
• Віктар Сьлінко [2]
• Віктар Сямашка [i,e,1]
• Вінцэсь Мудроў [i,e,ф]
• Ганна Гершвін [e,1]
• Ганна Кiслiцына [i,e,ф,7]
• Зьміцер Арцюх [e,1]
• Зьміцер Бартосік [i,e,ф]
• Зьміцер Вішнёў [i,e,ф,3]
• Зьміцер Дзядзенка [e,1]
• Людка Сільнова [1]
• Людміла Рублеўская [i,e]
• Лявон Вашко [4]
• Лявон Вольскі [i,e]
• Лявон Юрэвiч [i,e,ф,2]
• Маnn Kurt [i,e,ф,14]
• Макс Шчур [e,2]
• Марыя Мартысевіч [i,e,2]
• Мікола Папека [i,e,1]
• Міра Лукша [i,e,1]
• Павал Сьвярдлоў [i,e,1]
• Павел Абрамовiч [i,e,3]
• Павел Надольскi [i,e]
• Палівач [e]
• Пятро Васючэнка [1]
• Севярын Квяткоўскі [i,e]
• Серж Мiнскевiч [i,e,ф,1]
• Славамір Адамовіч [1]
• Сяргей Астравец [i,e,1]
• Сяргей Сматрычэнка [e,1]
• Сяргей Шыдлоўскі [i,e,ф,1]
• Тацяна Сьлінка [e,ф]
• Уладзімер Арлоў [i,ф,1]
• Усевалад Гарачка [e,2]
• Францiш Богуш [e,1]
• Цiна Клыкоўская [e,1]
• Юрась Барысевіч [e,1]
• Юры Гумянюк [i]
• Ігар Бабкоў [e,7]
• Ігар Сiдарук [i,e]
• Ўжо ня дзевачка... [i,e,ф,1]
• Ільля Сін [i,e]
• Інэса Кур`ян [e]
• Ірына Хадарэнка [i,e,ф]
i - толькi iнфармацыя
е - ёсьць email
ф - ёсьць фота
лiчба - колькасьць матэрыялаў зьвязаных з аўтарам |
|
| | Адзін дзень у Вільні
 Маnn Kurt, 19 кастрычнiка 2002
агульнанацыянальны конкурс-гульня, ці то ў бісер, ці то ў калектыўнага дэтэктыва-аматара, на лепшае веданне акалічнасцяў выправы пэўнага дзядзькі Антося ў Вiльню.
Шаноўныя беларусы, шчырыя і зманкуртаваныя,
- Прапаную Вашай увазе гульню новую, цікавую, танную, але не тандэтную, альтэрнатыву апошнім героям ды зашклоўскім стодам. Абвяшчаецца агульнанацыянальны конкурс-гульня, ці то ў бісер, ці то ў калектыўнага дэтэктыва-аматара, на лепшае веданне акалічнасцяў выправы пэўнага дзядзькі Антося ў Вiльню (Памятаеце такога ?). Хто можа ўзнавiць дакладны маршрут дзядзькi ад вакзалу ў зямельны банк, а адтуль на гару iмя славутага бiэтнiчнага (а мо i бiсэксуальнага ? попер ведае) славяна-лiцьвiнскага кнеза-кунiгаса Ге ды/дзі мiна(са) ? калі дакладна Міцкевічы звярнуліся па пазыку ў Сялянскі пазямельны банк ? сапраўды ў віленскі, а не ў менскі ? колькі каштаваў той кавалак зямлі ва ўрочышчы Смальгавок на Случчыне, набыты ў Хвядоса Хадыкі, і якую плошчу ён займаў ? І г.д. і да т.п.
Прапануецца паглядзець на дзядзькаву выправу шырока, як на вельмi тыповую
падзею, як на шлях (у нечым крыжовы), якiм прайшлi у 1863-1914 дзесяткi тысяч найбольш зманкуртаваных а найменш аўтэнтычных з тутэйшых сялянаў, Як, прыкладам, Бартак Сасок (which means Saxon, not ‘nipple’ as you might’ve thought) з Багушэвічавай "Тралялёначкi". Дужа ж бо цiкавiла дзейнасць Віленскага зямельнага банку Мацея Бурачка, прычым азываўся ён чамусьцi аб гэнай буржуазна-манетарнай валтузні выключна станоўча, дарма што народны пясьняр. Настолькi ж яны ўсё ехалi i ехалi, i ўсё ўпарта паўзлi, бы тыя мурашы, ад вакзалу да банку, натыкаючыся на слупы i пытаючыся дарогi ў вясковых-гарадавых, нібыта штурмуючы гару Ге ды/дзі мiна(са), што да 1913 больш за дзве трацiны зямелькi нашае роднае, пакутна-гаротнае, на якой адны падаткi растуць, апынулася у пульхных (варыянт: мазалiстых) кулацкiх рэнкох. А рэшта, каму не хапiла, паехалi, хто у сталыпiнскiх вагонах будаваць БАМу, хто настаўнiчаць на Куршчыну, а большасць-такi ў трэйцясэктарныя сiцылiсты-адраджэнцы-грамадоўцы-кампедаўцы-маладняка-узвышшаўцы падалася. Так што Вялiкi Акцябр i Аўгуст Моцны 44-га зрабiлi тое мурашынае коўзанне Бартка ды Антося дарэмным / нікчэмным, якiм яно аж да сённяшняга дня застаецца. Вой, ты, грамада-талака наша шчырая… А на той адзiн дзень дзядзькi у Вiльнi можна паглядзець як на цэнтральную падзею нашай неспраўджанай гiсторыi, не менш важную чым пэўны дзень у Дублiне цi яшчэ адзiн Iвана Дзянiсавiча. Паспей, як той галівудскі апошні герой, усё зрабіць за адзін дзень: ніколі не кажы ніколі !
Адказы на пытаннi, якія правакуе «Новая Зямля», амаль гэтак жа важныя, як здагадкі пра тое, хто і навошта забіў Лору Палмер, і пры пэўных умовах пошукі гэтых адказаў, зразумелыя як нацыянальная звыш-задача, маглі б стаць лакаматывам развіцця цэлага комплексу гуманітарных навук у краіне. Зрэшты, хутчэй за ўсё не стануць. Ну то хоць бурбалкі пайдуць.
Як бы зацны юбiлеуш народнага песьняра сёлета. 120 г. Канстантэму Мiцкевiчу
(не Адаму i не Капсукасу). Ушануйма (-ратуйма-вывучайма-адраджайма) памяць песьняра хоць кавалкам прыстойнага каментару да Новай Зямлi, а то
хлапаманска-адраджэнская літкрытыка замучыла зманкуртаваную душу ! Хочацца чагосьцi буржуазна-феадальнага, у духу якога Клода Шаброля, ці там Луіса Бунюэля. Сяўружыны з хрэнам, ці там каснетуцыі.
Падтрымайця беднага бюргера, апошняга сармата народу свайго. Не
цурайцеся мяне, панiчка васолага. Вынікі конкурсу-гульні мяркуецца абвесціць да Божага Нараджэння 2002-га, згодна з календаром Святое Рымскае Царквы.
Чакаю Вашых постынгаў
Загадзя шчыра ўдзячны
Ваш Мann Кurt
 чытаць 73 камэнтары, вэрсiя для друку | |
| |
