|
|
| Вiтаю, дружа! |  |
|
| увайсьцi | зарэгiстравацца |
|
|
| | Каляндар для ўсіх сяброў створаны: 11.03.2008, абноўлены: 12.03.2008 13:37, камэнтароў: 2 Філосаф і паэт Алесь Анціпенка склаў каляндар асноўных святочных датаў для прыхільнікаў сучаснага беларускага мастацтва. Дзён у годзе больш, чым у ягоным праекце календара, таму вітаюцца дапаўненьні і пярэчаньні таксама. 1 студзеня – Новы год альбо дзень хвойнай ялінкі 2 і 3 студзеня – дні дранікаў, духмянай бабкі, смажаных вантробак, пальцам пханай кіўбасы 21 лютага – Міжнародны дзень роднай мовы 23 лютага – дзень паразы чырвонай (расейскай) арміі ад кайзэраўскіх войскаў пад Нарвай і Псковам 1 сакавіка – дзень Вясны і жаноцкай пяшчоты 8 сакавіка – дзень усіх савецкіх жанчын (не адзначаецца, але з сумам узгадваецца. У гэты ж дзень ацэньваецца прыблізная колькасьць савецкіх мужчын і жанчын у краіне) 14 сакавіка — дзень вегетарыянцаў (У гэты дзень асабліва ўзгадваюцца Калацкая і Дубянецкая) 25 сакавіка – угодкі БНР 10 красавіка — дзень Цішына і Залознай (Дзень усіх, хто смуткуе ў радасьці, знаходзячыся далёка ад радзімы) 23 красавіка – Міжнародны дзень кнігі і аўтарскага права 1 і 2 траўня — дні прозы і паэзіі (Дні братоў Бахарэвіча і Хдановіча) 15 трваўня — дзень мэтафізыка Апошняя нядзеля траўня — дзень Харэўскага (у гэты дзень узгадваюцца розныя выбітныя асобы беларускай культуры, навукі і гісторыі, сябры Харэўскага і сам Харэўскі) Другая нядзеля чэрвеня — Дзень сьветлых узгадак пра Артура Апанасавіча Клінава ( у гэты дзень акрамя Клінава ўзгадваюцца ўсе беларускія партызаны палеглыя за Бацькаўшчыну. Асабліва ўшаноўваюцца партызаны-змагары супраць бальшавікоў і камуністаў, а таксама партызаны-мастакі-творцы) Чацьвёртая нядзеля чэрвеня — Дзень беларуса (дзень чаркі і шкваркі) 15 ліпеня — Дзень Эўропы (праходзіць пад слоўганам “Мы — эўрапейцы! А вы хто?”) 22 ліпеня — Галоўны дзень лета 30 ліпеня — дзень маладой бульбы 15 жніўня — дзень беларускага грыбніка 20 жніўня — дзень антыкамуніста і антысаветчыка (сьвяткуецца ў той жа самы дзень што і афіцыйнае сьвята “Дзень ракетчыка”, але можа адзначацца і ў іншыя дні) 25 жніўня — Дзень кітайца ( у гэты дзень узгадваюцца праблемы перанаселенасьці нашай плянэты, дэфіцыту прыродных рэсурсаў і харчаваньня) 8 верасьня – дзень беларускай вайсковай славы 9 верасьня – дзень гаротнага маскаліка (сьвяткуецца на другі дзень пасьля Аршанскай бітвы) 15 верасьня – Міжнародны дзень дэмакратыі 25 верасьня — дзень калябарацыяніста (У гэты дзень узгадваюцца факты супрацоўніцтва беларусаў з акупацыйнымі рэжымамі у тым ліку і з сёньняшнім, у прыватнасьці, з газэтай “СБ”) 1 кастрычніка — Усясьветны дзень састарэлых людзей і музыкі 4 кастрычніка – Усясьветны дзень жывёлаў 5 кастрычніка — Усяьветны дзень настаўніка (Дзень Беларускага калегіюма) 10 кастрычніка — Усясьветны дзень псыхічнага здароў’я 25 кастрычніка — Дзень маленькай пажарнай машынкі (Акудовічаў дзень). Сьвяткуецца ўвосень, калі надвор’е робіцца паганым і азызлым. Гэты дзень, аднак, ня можа сьвяткавацца далёка ад дня састарэлых людзей. 7 лістапада — дзень Вялікай кастрычніцкай рэвалюцыі (для тых, хто не адзначае дзень псыхічнага здароў’я) 21 лістапада – Усясьветны дзень тэлебачаньня (Дзень свабоды слова і беларускага журналіста) 30 лістапада — Дзень братаньня праваслаўных (немаскалёў), каталікоў, пратэстантаў, юдэяў і мусульманаў Першая субота сьнежня — Дзень адкрыцьця другога фронту мастацтваў ( у гэты дзень пачаўся масаваны наступ на замшэлае савецкае мастацтва; мусяць асабліва узгадвацца Юрась Барысевіч, Вішнёў і Сін) 25 студзеня - Каляды  напiсаў werk 11.03.2008, 11:51
nicolaev + 21 STUDZIENIA - Dzień Bielaruskaje Lacinki arbogast А чаму 21 студзеня - Ленін узыйшоў на зікурат духа? nicolaev :) community.livejournal.com/by_mova/327849 arbogast Значыцца, таму што сёлета пачаўся тыдзень лацінкі. Цікава, а ёсць агульны дзень народжання Далай-ламы? Ці ў іх у кожнага свой? nicolaev Здаецца, у кожнага свой :))) У дзейснага, здаецца, недзе ўлетку :) А сёньня - 49 год Тыбецкага Паўстаньня ў Лхасе… arbogast Калі-небудзь у Мінску з'явіцца і тыбецкая амбасада. Брытанскія манархі чамусьці святкуюць свае дні народзінаў у адзін дзень, як належала б ламам. ales_k сделайте, пожалуйсто, понедельник выходным. arbogast Берите столько понедельников, сколько сможете унести. напiсаў minsk_by 12.03.2008, 13:37
Вы павiнны ўвайсьцi ў сыстэму або зарэгiстравацца (калi шчэ не зрабiлi гэтага), каб мець магчымасьць пiсаць камэнтары або навiны. | |
| |||||||||||||||||||||||||||||||||||||||||||||||||||||||||||
|
