|
|
| Вiтаю, дружа! |  |
|
| увайсьцi | зарэгiстравацца |
|
|
| | Хайку створаны: 27.06.2002, абноўлены: 30.05.2008 01:23, камэнтароў: 718 Чэрвеньская ноч, з усяе свабоды толь- кі неба квадрат. Люблю хайку складаць і чытаць люблю.  напiсаў Адам Глобус 27.06.2002, 21:15
Дарэчы, даўно хацеў спытаць. Слова "хайку" і "хоку" - гэта тое самае? Ці гэта розныя рэчы? напiсаў rydel 27.06.2002, 21:17
Розныя. Хайку - сучасны верш, хоку - традыцыйны, класічны. Беларускае хайкускладанне ў тым узросце, калі розніцы няма, ці яна малаістотная. І ўсё ж, лепш пазначаць нашую пісаніну словам "хайку". напiсаў Адам Глобус 27.06.2002, 21:25
Брат - Міраслаў - пакінуў мне даглядаць свайго пацучка, а я не даглядзеў. *** Хварэе пацук, вока кроўю заплыло. Летнія дажджы. напiсаў Адам Глобус 28.06.2002, 10:43
Дзякуй! напiсаў rydel 28.06.2002, 11:08
*** Забыў зачыніць пацука, а ён застаў- ся ў клетцы сядзець напiсаў Адам Глобус 28.06.2002, 15:49
Лавец стракозаў, паланіўшы поўню сач- ком! Глядзі — збяжыць… напiсала anna 28.06.2002, 17:44
*** Дагуляліся… З клеткі ўцёк братаў пацук сумнавядомы. напiсаў Адам Глобус 29.06.2002, 12:05
*** Папаў пад лівень, пяць хвілін не хапіла, каб дабегчы дамоў. напiсаў Адам Глобус 29.06.2002, 15:39
*** Вярнуўся пацук, - лю-ю-юбіць цёплую падсма- жаную рыбку. напiсаў Адам Глобус 29.06.2002, 18:34
*** Жывая рыбка ператварылася ў падсма- жаную. Жы-ы-ызьня… напiсаў Палівач 29.06.2002, 20:12
Сяньня дачытаў Стыгмату. Дзякуй. Чытаць было цікава. Дадаліся некалькі новых штрыхоў да вашага партрэту. І гэтыя штрыхі ўпрыгожылі твар. Дарэчы, спаткаў адно слова, якое раней ніколі не бачыў і ня змог зразумець з кантэксту (запэцкаецца?): "Каб жа ведаць: як і ў што ЗАФЭНДАЕЦЦА вузкі пакойчык з трыма ложкамі…" напiсаў rydel 29.06.2002, 21:32
Самотны воран на мокрым дрэве моўчкі чакае Поўню. напiсала anna 30.06.2002, 06:17
Рыдлю Зафэндаць - запэцкаць. Зафэнданы - запэцканы… напiсаў Адам Глобус 30.06.2002, 10:17
Сонечны настрой. Вылекаваўся пацук - хрумстае моркву. напiсаў Адам Глобус 30.06.2002, 11:49
Шаноўныя гаспадары Літары, выпраўце час, бо пад лівень я трапіў у 17-00, а не ў 15-00. напiсаў Адам Глобус 30.06.2002, 12:15
Учора быў п'яны, таму хайку не запісаў і не даслаў; сягоння знайшоў на стале чарнавік і набіраю яго… *** Чарка гарэлкі і малады агурок… Вось чэрвень мінуў. напiсаў Адам Глобус 01.07.2002, 08:55
*** Пацукі любяць поўню. Бо падобная да смачнага сыру. напiсала anna 01.07.2002, 16:00
*** Сушаны кальмар - пачастунак пацуку на развітанне. Брат вярнуўся з вандроўкі і забраў свайго пацука. напiсаў Адам Глобус 01.07.2002, 20:38
*** Сонечны зайчык, ты адзіны мяне цешыш… Халодны ліпень. напiсаў Адам Глобус 02.07.2002, 15:33
Zamiest pacuka prynies kalmara? :) напiсаў rydel 02.07.2002, 17:47
Пацяплела, і мой верш састарэў, дзякуй богу… напiсаў Адам Глобус 02.07.2002, 21:45
*** у ціхім парку заснула немаўля на руках у мамы напiсаў xaczyk 02.07.2002, 23:24
верстав брошуру, кинув ранком — кирилиця пацавата! напiсаў мусій 03.07.2002, 09:42
*** Задуха, тлум, пыл, натоўпы, піўны дух - "Дзень Незалежнасці". напiсаў Адам Глобус 03.07.2002, 11:39
Уначы ля ложка шклянка вады - добра, што поўная напiсаў zajac 03.07.2002, 14:27
Всю ніч грав у карти зі своїм пацюком. Махлює, зараза… напiсаў мусій 03.07.2002, 14:59
*** Шукаў і не знай- шоў часопіс, які пі- ша ўлетку пра снег. *** Міліцыянт пас- лізнуўся на банана- вай скурцы і ўпаў. напiсаў Адам Глобус 03.07.2002, 21:21
Чытаю Форум. Старыя тэксты ў бля- кітным ліхтары. напiсаў Вішнёў 03.07.2002, 21:45
сьвітанак. ноч схавалася ў парцаляне пастылая кава напiсала Alia 04.07.2002, 04:45
*** Сябра - Рамон - ска- заў:"Хайку - паэтычна- я тэлеграма". напiсаў Адам Глобус 04.07.2002, 11:50
Да брата праехалі сваякі з Рыгі, і вось што здарылася: *** Пляменніца Лін- да адшчыкнула кіпцюр пацуку… Кроў. Плач… Каб суцешыць Лінду Андарсан, якая зусім незнарок скалечыла пацука, адрэзаўшы кіпцюр дзверцаю клеткі, я расказаў показку: *** Па бруднай канаве плыве Пацучыха. У яе на карку сядзіць Пацучонак. Раптам Пацучонак пачынае трэсці маці за вушы і крычаць, паказваючы на Кажана, што вісіць на дрэве, над канаваю:"Мама, глядзі-глядзі - Анёл!!!" напiсаў Адам Глобус 05.07.2002, 12:08
у вандроўку сыходзяць сябры птахі вольныя застаюцца ў горадзе напiсала Alia 05.07.2002, 13:34
пятніца у Мен- ску засталіся пустэ- ча і галубы напiсала Alia 05.07.2002, 14:19
*** Ліпеньскі вечар. Універсам "Цэнтральны". Цыгарэта. Кава. напiсаў Адам Глобус 06.07.2002, 15:53
Над магілаю таты… *** Ніхто не вечны… Плыве ў летнім паветры цыгарэтны дым. напiсаў Адам Глобус 06.07.2002, 20:34
Adsiul - www.livejournal.com/users/rydel23/ "…учора працавала на ВДНХ - гандлявала кнігамі. Прыходзіў Глобус з дачкой. Купіў у яе дзьве кнігі. Размаўлялі выключна на расейскай мове, а Л. зь імі на беларускай. Толькі напрыканцы сказаў "дзякуй". Вось такі гігант мысьлі." Heta prauda? напiсаў bielarecki 09.07.2002, 12:04
У сыботу хадзіў з малодшай дачкой на кніжны кірмаш. Набыў для Ядзі новы раман Барыко ў кепскім перакладзе на расейскую мову. Маладзенькая гандлярка рускамоўнымі кнігамі раптам кажа: " Дзякуй, спадар Глобус, што набылі ў нас кніжку…" " Няма за што, я тут увесь час кнігі купляю". " А я Вас раней не бачыла". " Яшчэ пабачыш". *** Бачыла мяне ўчора, пабачыш заўтра, прадавачка кніг. напiсаў Адам Глобус 09.07.2002, 12:43
Спадар Беларэцкі, калі ўжо берыцё ў якасці застаўкі на свой сайт фотаздымак Ядзінай мамы, маёй жонкі Алены, дык не папракайце нашу сям'ю за ужыванне рускай мовы ў асяродку гандляроў. І лічыце гэта папярэджаннем, другога не будзе, з'явіцца загад не карыстацца творамі маёй сям'і на сваіх старонках. *** Які халодны мой твар у люстраной па- верхні кінжала. напiсаў Адам Глобус 09.07.2002, 12:56
Ja nie chacieu vas kryudzic, mnie prosta bylo cikava. Ja nia dumaju, sto heta DRENNA. Nicoha drennaha u karystanni rasiejskaj movaj na ludziach nia bacu. Napryklad, ja z svajimi rasiejskamounymi siabrami VIELMI casta razmaulaju tolki pa-rasiejsku. Prosta ja viedaju, sto zvycajna "ludzi mastactva" majuc taksama mocnuju hramadzianskuju pazycyju i zvycajna havorac pa-bielarusku PAUSIUDNA. Toje, sto Vy hetaha nia robicie, nia josc zahanaj. Mnie prosta bylo cikava. P.S. Spadziajusia, sto vy usio-tki nie zabaronicie mnie uzyvac zdymki, zroblenyja vasaj zonkaj, na majim sajcie. Tym bolej, ja daju autarstva i spasylki na jaje aficyjny sajt. I VIELMI lublu jejnyja raboty. напiсаў bielarecki 09.07.2002, 13:11
*** людзі мастацтва — рабы. Аголе- ная Беларусь напiсаў Zianon 09.07.2002, 13:26
ранок, спека, вогкі простирадла. люди — раби оголені напiсаў мусій 09.07.2002, 13:49
*** Задуха. Дзверы наросхрыст у легкаві- ку. Таксоўшчык спіць. напiсаў Адам Глобус 09.07.2002, 17:15
Vielmi cicha tut. Mnie Hlobus nie adkazvaje. Litara.net zasynaje. напiсаў bielarecki 10.07.2002, 10:53
*** Паўзе павучок па сфатаграфаванай кветцы - свет ч.б. напiсаў Адам Глобус 10.07.2002, 11:12
Тыя, хто выклікаюць шкадобу: Мядзведзь, які трапіў у посудавую краму, Звар"яцеўшая прыгажуня, якая лічыць, што яна — парцалянавая ваза, Сабака, які не можа ўкусіць, адно брэша, Стары воін, якога пакінулі даглядаць дзяцей, Малады воін, які не можа паверыць, што вайна скончылася, Камары і мятлікі, што ляцяць на блакітнае святло манітора… напiсаў Сэй-Сёнагон 12.07.2002, 12:41
*** Студзяць душу га- рэлачныя скразнякі… Зноў закахаўся. напiсаў Самурай 12.07.2002, 21:43
На плошчы Перамогі пабачыў і спыніўся… *** Збіты машанай матылёк спрабуе-спра- буе паляцець. напiсаў Самурай 13.07.2002, 12:26
*** Еду ў машыне. Абапал дарогі восень імчыцца. напiсаў lavon 13.07.2002, 19:12
Лявон, дык ліпень удвары! :) ЗЫ. Але хайку спадабаўся. напiсаў rydel 13.07.2002, 20:31
*** Спёка. Плача кан- дыцыянер у тры ру- чаіны. Млосна. напiсаў Адам Глобус 16.07.2002, 10:34
*** Вавёрка ў парку перабягае ад клё- на да каштана. напiсаў Адам Глобус 16.07.2002, 19:19
пытаньне: хайку (гайку) - ён, яна, яно? напiсаў Зьмiцер Лапцёнак 16.07.2002, 19:27
Нешта ня пішацца. Мошкі ляцяць на экран манітора. Сьпякота напiсаў А 17.07.2002, 02:40
Хіба толькі дзеці напiсаў А 17.07.2002, 02:43
Хайку — верш, ён. Гайку хай піша Вячорка, седзячы пад кпянаваным клёнам. 5-7-5 — семнаццаць складоў варта захоўваць у хайку, дысцыплінуе, парадкуе зорную расхрыстанасць азарэння. напiсаў Адам Глобус 17.07.2002, 12:56
Адам, дзякую. Амаль забыўся, месяц таму я зрабіў старонку: zmila.at.tut.by/chajku.html - некалькі хайку, што найбольш падабаліся. Ці будзе хто супраць, калі я й вазьму адсюль некаторыя, і пакладу ў сваю калекцыю? напiсаў Зьмiцер Лапцёнак 17.07.2002, 17:02
Яшчэ раз паспрабую адзначыць спасылку. (пэўна трэба зрабіць прагляд каментароў перад адпраўкаю ці магчымасьць выдаляць/рэдагаваць) Амаль забыўся, месяц таму я зрабіў старонку: zmila.at.tut.by/chajku.html - некалькі хайку, што найбольш падабаліся. Ці будзе хто супраць, калі я й вазьму адсюль некаторыя, і пакладу ў сваю калекцыю? напiсаў Зьмiцер Лапцёнак 17.07.2002, 17:05
Бяры. напiсаў Адам Глобус 17.07.2002, 21:39
Самотны кенгур. Зашыў кішэню. Купіў сумачку. Шчасця!!! напiсаў Псеўданік 17.07.2002, 22:44
А куды Глобус зьнік? Сумна тут стала. напiсаў rydel 23.07.2002, 20:52
Янук казаў, што сустрэў нядаўна Глобуса на вуліцы, ён зьбіраўся ў адпачынак. Сказаў, што да нас пісаць часова ня будзе. А што больш ніхто не можа таленавітую хайку напісаць? Хіба ты, Рыдлю, толькі на хранікальнай прозе спэцыялізуешся :) напiсала alice 23.07.2002, 22:00
Мо давайце зробім форум, прысьвечаны плёткам пра беларускіх пісьменьнікаў? Я нават ведаю, хто будзе ім кіраваць.. хі-хі, Зьміцер Вішнёў. напiсала alice 23.07.2002, 22:06
угу… хранікальна-маніякальнай. мяне хапае толькі на гэта. :))) напiсаў rydel 23.07.2002, 23:05
Каханне за шклом… Не запальвай святло. Досыць Ліпеньскай поўні. напiсала anna 29.07.2002, 22:23
*** Лайдак пад пальмай ляжыць у мяккім ценю… Гэта пра мяне. напiсаў Адам Глобус 02.08.2002, 12:29
*** Ліст падае ў ва- ду… За ім другі ляціць… Нібыта за ім… напiсаў Адам Глобус 03.08.2002, 18:24
Рэшта суніцаў на белай талерцы.І смачна і сумна. напiсала anna 03.08.2002, 18:43
*** Дажджысты ранак, рабочы абразае лісты на пальме. напiсаў Адам Глобус 04.08.2002, 11:37
*** Аголеная дзяўчынка піша імя на марскім пяску… напiсаў Адам Глобус 05.08.2002, 10:48
*** Поўня — вось і ўсё, што засталося між на- мі агульнага? напiсаў Сяргей 06.08.2002, 11:02
Нарэшце мала- дзік — кранальны, як першы зуб у дзіцяці. напiсала anna 08.08.2002, 14:04
І сонца знікла, Цемра над зямлёю паўстала, Пад коўдрай спякотна напiсаў Лайдак 09.08.2002, 03:04
*** Якім слабым кво- ла-бездапаможным стаў зялёны колер… напiсаў Адам Глобус 10.08.2002, 22:48
Мокры ад дажджу серп месяца, у жніво забыты ў небе. напiсала anna 13.08.2002, 16:45
*** Мокры парасон сохне ў куктку. Дождж і дождж, а ў яго свята. напiсаў Адам Глобус 13.08.2002, 19:07
*** Аэрапорт. За- духа. Збіраецца на дождж. Пазяхаю. *** Кацяня Ў сама- лёце прыціхла, у дзяў- чынкі на руках. напiсаў Адам Глобус 17.08.2002, 18:38
У апошнім нумары НН надрукавалі хайку Арцёма Арашонка. Добра, што ў НН любяць паэзію. Але чаму гэтыя ж вершы друкуюць і ў чэрвені і ў жніўні? Можа Андрэй Дынько мае які сантымент да Арашонка, бо спачатку ягоныя хайку ішлі за маім подпісам, у сэнсе, што я іх напісаў? Ледзь паспеў выправіць памылку ў карэктуры. А можа Шніп і Хадановіч, проста не чытаюць НН? Паэты, адным словам. Галоўнае для паэта не твор, а магчымасць творчасці. Таму пакінем дробныя памылкі друку ў спакоі. Да мяне вярнулася муза — пацук. Брат зноўку з'ехаў і пакінуў пацука, каб я даглядаў. напiсаў Адам Глобус 18.08.2002, 12:23
*** Летні поўдзень. Са- лодка спіць мой пацук у драцяной клетцы. напiсаў Адам Глобус 18.08.2002, 14:39
*** Пацуку вады наліў, сыр паклаў… А ён не ўзрадаваўся. напiсаў Адам Глобус 19.08.2002, 10:06
*** Светлы цёплы дзень. Салодкі водар смерці; памёр мой пацук. Пайду — хаваць пацука і мыць клетку. напiсаў Адам Глобус 20.08.2002, 11:25
*** Пустая клетка абсыпаная кропля- мі вады. Лета. напiсаў Адам Глобус 20.08.2002, 12:01
Брат ужо ведае? напiсаў rydel 20.08.2002, 19:12
Ну вось, і тут пра сьмерць… напiсаў Палівач 20.08.2002, 20:09
Брат яшчэ не ведае пра адыход пацука ў лепшы край. напiсаў Адам Глобус 21.08.2002, 10:07
Але дзякуючы хайку, ён ужо стаўся часткай нашай літаратуры. Бесьсьмяротны пацук. напiсаў rydel 21.08.2002, 19:02
Маляваў, маляваў… Сцямнела. Скончыліся цыгарэты. Выйшаў у краму… *** Жнівеньская ноч. Па-над усім горадам золата поўні. напiсаў Адам Глобус 22.08.2002, 12:53
Лячыць трэба было пацука. напiсаў algiz 22.08.2002, 20:35
Ад смерці не вылечваюць. А лячыць пацука лячылі, як гэта каму не падасца дзіўным. напiсаў Адам Глобус 22.08.2002, 21:29
Прыколна, а я якраз зарач чытаў Кантамінацыі: Першапрычына сьмерці - нараджэньне. Не давярай тым, хто зь лёгкім сэрцам разважае пра сьмерць. Развагі пра сьмерць хвалююць ня меней за размовы пра эротыку. напiсаў rydel 22.08.2002, 21:58
Як жа ты Вова У вочы Мірыку па- глядзіш, убіўца? напiсаў ratenkoenig 22.08.2002, 22:08
Гэта грэгерыя, але давядзецца запісаць яе на форум хайку… *** Людзі сталі лепшыя — паведамленне пра смерць жывёлы іх закранае болей чым вестка пра гібель чалавека. напiсаў Адам Глобус 23.08.2002, 10:12
Пра вочы Мірыка… Ён патэлефанаваў, і я распавёў пра смерць пацука ў слухаўку. "Старэнькі ён у нас быў, што тут зробіш…" сказаў Мірык. А я вось думаю, ці не набыць мне новага пацучка… Клетка ж засталася. напiсаў Адам Глобус 23.08.2002, 10:17
На поўдні поўня — як апельсін. У Менску — зялёны яблык… напiсала anna 23.08.2002, 15:59
Поўня- сонца мёртвых. напiсаў Mesidz 23.08.2002, 23:20
Поўня — сонца мёртвых. Гэта грэгерыя, і яе варта перанесці на іншы форум; вядома, са згоды аўтара. напiсаў Адам Глобус 24.08.2002, 14:01
Мінуў год пасля татавага сыходу, паціху я пачаў разбірац ягоныя дзённікі і бібліятэку… *** Старая кніга. Засушаная кветка паміж старонак. напiсаў Адам Глобус 25.08.2002, 10:42
У заспаным парку Сівыя святары стаяць пад крыжам. Чакаю ймшу. напiсаў kacjaryna 26.08.2002, 17:47
Пад снежнымі зоркамі Утульны канцэрт. Дзіцятка бегае ля сцэны. напiсаў kacjaryna 26.08.2002, 17:48
У тэлефоннай будцы жыве цікаўны павучок, штодзень ён слухае размовы напiсаў kacjaryna 26.08.2002, 17:50
Не, не павучок сядзіць у тэлефоне, слухае. Жучок. напiсаў Палівач 26.08.2002, 20:16
Глядзеў на пустую клетку, дзе жыў братаў пацук… Ёсць клетка — з'явіцца і палоннік. Пабудаваўшы турму, праваахоўнікі будуць яе запаўняць. Так і тэлефонная слухаўка вымагае слухача. Паэт, гаворачы па тэлефоне, думае пра павучка, а самурай — пра "жучка" і праслушку… Новага пацука ніяк не набуду, адкладаю на заўтрашні дзень… *** Ранак. З яблыні выпалі яблыкі, усе да аднаго. напiсаў Адам Глобус 27.08.2002, 08:12
Любы самурай ёсьць паэтам. Хіба не? А, пане Адам? напiсаў Палівач 27.08.2002, 08:26
Мурашева ніч 1. попільничка, дим. мураха вусатий. о! ніч. чистий аркуш. 2. мурашка до лі- тер подібний, ся губить: між ними блука. 3. вусатий поет диктує рядки. ледве встигаю за ним. напiсаў мусій 27.08.2002, 15:49
Палівач, пастаўце націск у першым слове свойго … напiсаў Адам Глобус 27.08.2002, 16:38
Калі я націск пастаўлю, зьнікне туман - прыйдзе ісьціна. напiсаў Палівач 27.08.2002, 17:52
Што, не стае сілы паставіць? Нямогласць апанавала? напiсаў Самурай 27.08.2002, 18:45
Ісьціна, яна небясьпечная.Трэба баяцца яе… напiсаў Палівач 27.08.2002, 19:42
Па адной дарозе ідуць самурай і паэт, але ў розныя бакі. напiсаў Адам Глобус 27.08.2002, 22:05
Нічога, яны сустрэнуцца. Глёбус жа такі кругленькі. напiсаў Палівач 27.08.2002, 22:35
Самурай ніколі не стане паэтам, як жук павуком. напiсаў Адам Глобус 28.08.2002, 12:26
*** Чакаць-чакаць пад месяцам цябе… І слу- хаць пошум ветра. напiсаў Адам Глобус 28.08.2002, 14:31
*** Дом, дзе ты жывеш, асветлены халодным месяцам — маўчыць. напiсаў Адам Глобус 28.08.2002, 14:35
Шкляныя пацеркі дажджу На засмучаным дрэве: Восень даслала паштоўку аб хуткім вяртанні Балючыя навіны з хаты: Сяброўка маці хворая на рак. У краіне, дзе усур’ёз хварэць мы не павінны. напiсаў kacjaryna 28.08.2002, 17:36
Арэлі ў роспачы Ад доўгага чакання: Неведама калі падымуцца ўвысь напiсаў kacjaryna 28.08.2002, 17:38
Паэт - гэта стан душы. Ня толькі ў словах яна. Ня толькі… напiсаў Палівач 28.08.2002, 20:31
*** Якое свята — вяргіні і яблыкі! Колеры жніўня. *** Лёд і полымя — Хрызантэмы і лілеі ў адным букеце. напiсала anna 29.08.2002, 11:56
*** Жук еў траву. Здзяўб- ла жука варона. Ва- рону кот задраў. Спрадвечна-ненажэрны кругазварот прыроды. напiсаў Адам Глобус 29.08.2002, 12:24
*** Імгла закрыла месяц, ніба ведае мае настроі… напiсаў Адам Глобус 29.08.2002, 18:39
*** Імгла закрыла месяц, нібы ўведала мае настроі… напiсаў Адам Глобус 29.08.2002, 18:43
*** Віно… Лілеі… Санлівая размова пра сіні посуд… напiсаў Адам Глобус 29.08.2002, 19:03
Булачка з макам — групавы партрэт мура- шынай сямейкі. напiсала anna 29.08.2002, 21:52
*** Самотны месяц — уладар на небе. Мне — служка ў дарозе. *** У парцаляне музейнай залы — бляск і крохкасць кахання. напiсала anna 01.09.2002, 16:36
*** Упрыгожваю кляновымі лістамі пустую клетку. напiсаў Адам Глобус 01.09.2002, 20:18
Pershaje lisce Na kletkah brukavanki: pachatak vjartannja напiсаў kacjaryna 03.09.2002, 14:51
Myshonak Puzliva perabeg Pakryty liscem shodnik напiсаў kacjaryna 03.09.2002, 14:52
*** Пакуль не ўзышла поўня, ліхтар спадзяец- ца, што ён — месяц. напiсаў Адам Глобус 05.09.2002, 12:28
*** Худы крышнаіт у стаптаных пантофлях кніжку гартае. *** Бацькавы: кепка, шалік, паліто… Яшчэ пахнуць тытунём. напiсаў Уладзімір Сцяпан 08.09.2002, 10:43
Adamie, Vam varta paudzielnicac' u analahicnym forumie na tut.by напiсаў -- 08.09.2002, 17:57
— na tut.by ruskaia mova? A ia hajku pis'u pa-bielarusku. напiсаў Hlobus 08.09.2002, 22:24
*** Закрасавалі ў верасні каштаны… Не веру сам сабе. напiсаў Адам Глобус 08.09.2002, 22:50
jany jasce prosta nia viedajuc', sto pisuc' pa-bielarusku. Adamie, Vam varta pabyc' tydzien' na tut.by напiсаў -- 09.09.2002, 00:15
—: Вы там абвестку павесце пра хайку белпаэтаў—:) напiсаў Адам Глобус 09.09.2002, 09:50
*** На той бок ракі перакідваць каменчык бацька навучыў. напiсаў Уладзімір Сцяпан 13.09.2002, 10:10
Хайку пра смерць, хайку пра каханне, хайку пра старасць… Столькі ўсяго напісана без нас. Ну а мы? Можам паспрабаваць складаць хайку пра бульбу… *** Лёс беларуса можна намаляваць, як хайку пра бульбу. напiсаў Адам Глобус 13.09.2002, 10:47
*** Воблака ў шклянцы. Харызма хрызантэмы прыпыніла дзень. напiсаў Серж Мiнскевiч 13.09.2002, 16:33
*** Бульбіна ў вядры грукоча на ўвесь свет. Заўтра ў школу. *** Бульбу капаюць ад рання да вечара… Жыве Беларусь! напiсаў Сцяпан 16.09.2002, 18:52
*** Ясная поўня ў холадзе вераснёвым усміхаецца… напiсаў Адам Глобус 19.09.2002, 22:22
*** Нямыты сподак вераснёвай поўні на абрусе неба. напiсала anna 20.09.2002, 07:54
*** На спатканне з поў- няю сёння зноў пайду ў залацісты парк. *** Нават у вядры з вадой, нават у лужы… Бачу гарэлку. напiсаў Адам Глобус 20.09.2002, 09:33
*** Пад старой вярбой жанчыны п'юць гарэлку. Восеньскі ранак. *** Два разы на дзень гадзіннік піша хайку… Дзінь, дзінь, дзінь, дзінь, дзінь… напiсаў Сцяпан 20.09.2002, 11:50
*** Поўна салдатаў у вераснёвым парку. Лісце змятаюць. напiсаў Адам Глобус 20.09.2002, 12:02
*** Гляджу на вясёл- ку і ем кукурузу. Што яшчэ трэба… напiсаў Адам Глобус 21.09.2002, 17:16
Вясёлка ўвосень — не масткі праз неба, а кладка праз душу. напiсала anna 21.09.2002, 18:05
*** Атрымаў гана- рар, выпіў з братам віна, пагаварылі… *** Цёмна. Дождж ідзе. У кватэры халодна. Прымаю ванну. напiсаў Адам Глобус 22.09.2002, 21:55
*** Выпіць? Не выпіць? Бармен пасміхаецца… Сто? Ці адразу — дз-з-з… напiсаў Сцяпан 23.09.2002, 20:13
*** Ганна з Алісай ціха гавораць у зо- лаце восені. напiсаў Адам Глобус 25.09.2002, 22:07
Выпіць? Не выпіць? мля, як хораша то.. напiсаў holzteller 25.09.2002, 22:27
*** Пастаю яшчэ… А куды спяшацца? Ноч. Пра-цьве-ра-зею… напiсаў Сцяпан 27.09.2002, 14:34
Поўня-сяброўка зазірае праз акно… Колькі ж цікаўных! напiсала anna 27.09.2002, 19:56
Сэзон Дажджоў Сонца па ўспамінах Сябры на фотакартках напiсаў kremien 28.09.2002, 00:14
*** Сьцёгны галандак. Дваццаць год… А ўжо цэлуліт! напiсаў kremien 28.09.2002, 00:24
*** Вокны бэз фіранак. Глядзець ў пакоі, Як на вітрыны. напiсаў kremien 28.09.2002, 01:08
*** Няма настрою… Нават добры кот Чарлік не суцяшае… напiсаў Адам Глобус 28.09.2002, 13:28
*** Выпіў з раніцы… Вераснёвае сонца. Дзень нараджэння. напiсаў Адам Глобус 29.09.2002, 12:15
*** Гуляю па Мен- ску, зьбіраю каштаны… Проста, як дзіця. напiсаў Уладзіслаў 01.10.2002, 21:59
Марната мар- наты і ўсялякая марната. Мудата мудаты… напiсаў Navum 01.10.2002, 22:26
Хочацца ў вырай. Нават паветраны шар Ляціць на поудзень… напiсаў kremien 02.10.2002, 15:21
*** Халодны вецер. Каля палацу шлюбаў знайшоў заколку. напiсаў Адам Глобус 05.10.2002, 10:11
*** Абмялела Свіс- лач, па пяшчанай выспе ходзіць варона. напiсаў Адам Глобус 05.10.2002, 21:31
*** Кастрычнік. Холад. Дождж. Ноч. Пад цёплай коўдрай адпачываю. напiсаў Адам Глобус 07.10.2002, 12:03
*** Адбітак месяца - быццам донца бутэлькі з пад піва, Што плыве па рацэ Амстэл. напiсаў kremien 07.10.2002, 22:41
*** Качак на рацэ хлебам карміць, каштаны збіраць — прыемна. *** Разам з дачкою збіраю каштаны, каб у раку кідаць. *** Чужыя радкі засынаю згадваю Сантока, сакэ… *** Парасон, шалік, пальчаткі. Не знаходжу — мініралку п'ю. *** На сёмы паверх заляцеў жоўты ліст, каб зноў упасці. *** Ластаўкі зніклі. Вясёлку на мокрым шкле дачка малюе. *** Светла і лёгка ісці ўздоўж ракі, потым вяртацца. Напісаў: Уладзімір Сцяпан напiсаў Адам Глобус 09.10.2002, 12:09
*** Вечар, зоркі, ліхтары. Сяджу адзін На лаўцы пад клёнамі. напiсаў kremien 10.10.2002, 01:43
*** З галавы да ног засыпала лісце дом РСДРП. напiсаў Менчук 10.10.2002, 11:30
*** Ровары — супер… А мне б — маю лайбу знайсці, як бы паляцеў. *** Сягоння раніцай па першым коўзкім лёдзе шусь і паехаў. напiсаў Сцяпан 10.10.2002, 12:14
Брат, мой? Пара вяртацца Сьлівы бо пасьпелі напiсаў astravy 10.10.2002, 20:59
Выпадкова знайшоў на форзацы, у кнізе Такубоку, свае старыя вершы… Калі пісаў? Мусіць быў моцна п'яны… *** Зноў закахаўся. Скразнячок каля сэрца крынічна-сцюдзё- ны не дае спакою ні ўночы ні ўдзень… Запіў… *** Самазабойства спіць у чарцы гарэлкі такой празрыстай. напiсаў Мужык 11.10.2002, 13:16
*** Нарыхтоўшчыкі дроваў коцяць бервяно па першым сьнезе. напiсаў astravy 11.10.2002, 13:21
*** Вільня — родныя мясціны. Клён чырвоны. Снег на дахоўцы. напiсаў Уладзімір Адамчык 11.10.2002, 13:29
гронка часнаку маціцовая быццам тваё юнацтва напiсала Яна Сялеўская 11.10.2002, 20:07
*** Толькі ламала язмін — ужо хрызантэмы ў снезе. Кастрычнік. *** "Японскі парк" пры Нясвіжскім палацы. І, сапраўды, — японскі! напiсала anna 13.10.2002, 14:05
*** Любіў спяваць. Ця- пер не спяваем, ні я ні сябры. Узрост. *** Зімны кастрычнік. Учора сябра здзівіў снег на крапіве. *** Завёў сабе звыч- ку — спаць пасярод нядзе- лі. Сплю, як дзіця. *** Еду з Вільні. Ем папаю з Тайланду. Каст- рычнік. Змярканне. напiсаў Адам Глобус 14.10.2002, 11:19
*** Халодна. Чарка, другая, трэцяя… Вось моцна папіўся. напiсаў Адам Глобус 19.10.2002, 11:27
Шумавіньне ў рацэ Недапалак Укінуў у Вялейку напiсаў astravy 19.10.2002, 12:18
Танны парфум Сьведкм ёсьць ня- Выслаўленых кроз напiсаў astravy 19.10.2002, 16:35
Пасклізнуўся Жоўтае лісьце ля- цела долу напiсаў astravy 21.10.2002, 13:19
Сябра Паказаў мне ліс- та. Восень напiсаў hary 26.10.2002, 15:05
*** Сябра кінуў піць. Сядзім, дождж слухаем, су- муем і маўчым. напiсаў Адам Глобус 26.10.2002, 17:07
П'ю Цяпер ня ліс- Туюць сябры напiсаў ja 26.10.2002, 19:36
Апошні цягнік, Дождж уночы, Выходзіць. напiсаў kremien 27.10.2002, 01:48
*** Прыкмета восе- ні — смаленне вепрука. Швайкай у сэрца? напiсала anna 28.10.2002, 09:25
*** Аголены парк. Сіні надвячорак і чорна-чорны кллён. напiсаў Адам Глобус 28.10.2002, 16:57
*** На могілках пом- нік з прозвішчам таты май- го ўсталёўваюць. напiсаў Адам Глобус 29.10.2002, 12:00
*** Яшчэ дзве ночы Ня спаць. Ці вытрываю? напiсаў kremien 30.10.2002, 19:39
*** Ня спаць - Ня сплю. Ці прачнуся? напiсаў kremien 01.11.2002, 03:25
*** Хутка ўжо двое будуць дыхаць Начамі у пакоі. Куплю сабе кактус. напiсаў kremien 06.11.2002, 18:24
Shukaju snieg U goradze paudzjonnym.. Ne vidac'.. mae bjaljutkija mroi zyvuc' pad kashtanami Mensku напiсаў kacjaryna 08.11.2002, 18:46
*** У закінутым садзе наступіў… Не, не… На гнілы яблык. *** Там, за дзвярыма, там, за туманам — поўня. Ведаю — поўня. напiсаў Адам Глобус 17.11.2002, 21:12
*** На небе поўня ўспамінам пра сад здічэ- лы, поўны яблык. напiсала anna 17.11.2002, 21:37
*** Туман заблукаў у начным горадзе. Дамы такія аднолькавыя. напiсаў kremien 17.11.2002, 22:47
У Вільню залятаў Буш Маленькі, каб павіншаваць тутэйшы люд з запрашэннем у вайсковы блок НАТА. Народ стаяў у загонах і махаў сцяжкамі. Найвялікшыя сцягі трымалі беларусы, прынамсі, так мне Харэўскі сказаў. Па дарозе з Вільні склаўся такі верш… *** Рок-н-рол. Дарога. Літва — беларуская Канада. Імжа. Верш з нагоды візітавання імператара — не мой хлеб. Таму пра хлеб звычайны… *** Збіраўся пача- ставаць хлебам лебедзя, а ён не падплыў. напiсаў Адам Глобус 24.11.2002, 21:19
*** напiсаў kremien 27.11.2002, 11:40
*** Сотні ровараў На станцыйным пляцы. Гаспадары працуюць. напiсаў kremien 27.11.2002, 11:48
*** Чужыя думкі Чытаць больш непрыстойна Чым чужы дзённік. напiсала anna 02.12.2002, 13:21
*** Калі нехта чы- тае думкі, значыць не чужыя яны. напiсаў Адам Глобус 02.12.2002, 15:11
*** Сабачы холад. Цёмны, бязснежны горад. Трэснула губа. напiсаў Адам Глобус 05.12.2002, 15:37
*** Драбок тытуню прыляпіўся на язык, сплёўваю на снег. напiсаў Адам Глобус 22.12.2002, 19:41
*** Не пішаш хайку… Моцна мерзнуць пальцы, каб палічыць склады? напiсаў Адам Глобус 26.12.2002, 22:40
*** Шэрань на помні- ках, — зіма зафарбава- ла чорны настрой. напiсаў Адам Глобус 30.12.2002, 22:10
сьнег паднімаецца ўгору нехта ўключыў нябесны пыласос напiсаў Суболг Мада 03.01.2003, 00:35
*** Выбух петарды зграю варон узняў… Калядны вечар. напiсаў Сцяпан 04.01.2003, 16:00
*** Свечку паставіў, і жаданне загадаў… Малітву забыў… *** Мароз і сонца. Крумкач збівае шэрань. Жыць не хочацца. *** Каляднай ноччу Кветкі ў пад'ездзе змерзлі, усе да адной. напiсаў Сцяпан 09.01.2003, 11:21
Я сьпёр некалькі хайку адсюль (і не толькі) ды паклаў у маю калекцыю. Калі хто мае што супраць, пішыце - выпраўлю. напiсаў Зьмiцер Лапцёнак 14.01.2003, 13:54
"Бачыла поўню?" — пытаюцца, быццам я — яе дыстрыб"ютар. напiсала anna 18.01.2003, 20:25
*** Сонечны дзянёк. Кветкі ў пад'ездзе маім закрасавалі. напiсаў Адам Глобус 19.01.2003, 19:56
*** Дождж падае на снег, дождж падае на лёд, дождж… Снег падае… напiсаў Адам Глобус 30.01.2003, 22:44
*** Зашклёная рэч- ка сьпіць пад мостам і сьніць ціхамірны сон. напiсаў Адам Глобус 09.02.2003, 15:46
* * * Куды ж ты вядзеш, сьлед, пакінуты на сьнезе вялікім зьверам? * * * Якія ж людзі дробныя на бязьмежным зімовым полі… * * * Месяц-павучок тчэ павуту з галінак. Зімовы скверык. * * * Запісаў словы на сьнезе, няхай гінуць над промнямі цяпла. * * * З радыятарам павітаўся ў пад’езьдзе. Лютаўскі вечар. * * * Завеі, сьнегам не засыпайце ўночы нашыя брамы. * * * Прыемна глядзець, як на чорнай паніве смажыцца бульба. * * * Зімовая ноч. Пад песьні прыёмніка выпіў гарбаты. * * * Цыгарэтны дым: у паветры паплылі шэрыя кветкі. * * * Пэўна, учора глядзеў на сьнег – ды раптам каткі на вербах. * * * Бясконца б ехаў у кодабе машыны праз вясновы лес. * * * Перабіраю каменьчыкі ружанца – прыемны холад. * * * Кусты чаромхі. Чырвань на белых кветках – колер сьвітанку. * * * Стромкі завулак. Жвір рыпіць пад нагамі. Імжа… Дзень… Цяжка… * * * Правёў рукою па сьвежай атынкоўцы, прыемны холад. * * * жучок-прусачок, нашто так сьпяшаесься схавацца хутчэй? * * * Кусты парэчкі. Колькі ягад тут! Побач восы вядуцца. * * * Над канюшынай цяжка гудзе чорны чмель, шмат працы яму. * * * Пад грушай старой лёг жаўнер, скінуў боты, вочы заплюшчыў. * * * Хто мне пакажа гэтай кветачкі назву? Слухаю вецер. * * * Гнілая дошка. Колькі дзірак у ёй шашаль натачыў! * * * Ці ведае ён, камень на дне рэчкі, летнюю сьпёку? * * * Жнівеньскі вецер. У анучы на плоце вырасьлі крылы. * * * Чорны матылёк. Што шукае ён? Можа, чорную кветку? * * * Сьцяжынка ў полі. Конікі суха зьвіняць на цёплым пяску. * * * Куды ж таполі, вы пайшлі чарадою, уздоўж дарогі? * * * Верабей ляціць, не схаваецца ў траве белы матылёк. * * * Летнім вечарам кожны ліхтар над шашой кліча матылькоў. * * * Вецер. Возера. Ціха чоўн пусты плыве. Сонца садзіцца. * * * Запаліў сьвятло: напалоханая мыш зьнікла ў шчыліне. * * * Жоўтае лісьце вецер на ганак прынёс. Як пераступіць? * * * Дрэвы ў тумане? Не, гэта гэта паляць лісьце восеньскім ранкам. * * * Лапкі елачак мне ворагамі сталі. Зьбіраю грыбы. * * * Восень. Сухую галінку не пазнаеш на дрэве жывым. * * * Не вылучаюся, я – звычайны праходжы. Іду пад дажджом. * * * А дзе ж схавацца павучку-вандроўніку? Восеньскі дожджык. * * * Тапалёвы ліст у восеньскай бязважкасьці паплыў да зямлі. * * * Да маёй нагі прытуліўся сабака. Не спыняйся, дождж! * * * Шукаю ўначы на хвалях эфіру родную мову. * * * Ля кніжнай шафы разьбіраю паперы, раптам – верш Басё. * * * Ня маю ў жыцьці нічога, хіба ў сшытку некалькі вершаў. * * * Як цяжка знайсьці словы, і гэта мая родная мова. * * * Лапкамі елак свой пакой упрыгожыў, сьвяточны настрой. * * * Бяз сэнсу жыву, учора і так штодня. Холад раніцы. * * * Адчыніў дзьверы: варушыцца на сходах мой цень заламаны. * * * Замерзла ноччу вірлівая крынічка, белая нуда. * * * Доўгі, доўгі дзень. Сёньня мне ліст ад маці павінен прыйсьці. * * * Ад брата сёньня паштоўку прынеслі мне. Чакаю вясну. * * * Узяў фуфайку, успомніў нябошчыка, дзеда Валодзю. * * * На першым сьнезе сьмецьце – кінула восень лісьце зь бярэзін. * * * Грукнулі дзьверы. Дзіцячая калыска. Халодны пад’езд. * * * Скокнуў верабей: толькі сьнегу камякі сыплюцца з галін. * * * Белая нуда. Толькі недзе пад сьнегам схавалася мыш. * * * Зімовы вечар. З запісною кніжкаю сяджу ў куточку. * * * Печку адчыніў: пасівелі вугалькі, попел варушу. * * * У качагарцы прытуліўся да печкі – прыемна, цёпла. * * * Сыпле дробны сьнег. Побач даўно ўжо няма блізкага сябра. * * * На сьнезе пісаў хоку сёньня – не дарма існую ў жыцьці. * * * Зімовы вечар. Між небам і зямлёю сьвятло мястэчка. * * * Маці на кухні, пах смажанага сала – вайсковы ўспамін. * * * Трымаю ката, ціха сэрца тахкае, мяккае цяпло. * * * Прачнуўся ноччу. Па калідоры хаджу. Бясконцая ноч. * * * Казарма. Ліхтар. Чакаю мінулага. Цяжкі ўспамін. * * * Сьвяточная ноч, грукае ў шыбу маю толькі вятрыска. * * * Устаўшы рана, выпіў з хлебам гарбаты, палю цыгарку. * * * Між роснай травы дзьмухавей захістаўся. Халодны ранак. * * * У сонечны дзень нерухомае неба раньняю вясною. * * * Жорсткая трава. Яшчэ трымае холад зямля вясною. * * * Ледзь дакрануўся да дзьмухавея – адчуў – вецер над полем. * * * Зярністы пясок, ён не трымае доўга, нават лужыны. * * * На бярэзінах дробнае лісьце дрыжыць. Майскія сьвяты. * * * Доўга дзівіўся: рэшткі сьнегу на полі склалі малюнак… * * * Кавалкі неба хмарай разарваныя. Блакітны вецер. * * * Неба сьпявае? Ці за сонцам схаваўся маленькі жаўрук? * * * Змокшы пад дажджом, хаваюся пад брамай. Сумны сакавік. * * * У качагарку спусьціўся, але печка ўжо не гарыць. * * * Спаць так кладуся: лёгкі вецер Радзімы хай прысьніцца мне. * * * Спаць не кладуся, доўга гартаю кнігі Прыемная ноч. * * * Сьвятло маланкі. Месяц за хмарамі зьнік так незаўважна. * * * Сёньня ноччу ў сьне ізноў бачыў Радзіму. Сумны прачнуўся. * * * Так хочацца спаць! Раніцы прамень у твар, прачынаюся. * * * Чарга ў лякарні няўтульнае крэсла… Прыемны скразьняк. * * * Галінка вярбы. Дакрануўся, і зьніклі кропелькі расы. * * * Апранаюся. З хлебам выпіў гарбаты. Ранак прачнуўся. * * * Дзень нараджэньня. Апрануў вайсковы фрэнч. Халодны жнівень. * * * Ядлаўцовы куст на пясчаным узгорку. Чэрвеньскі ранак. * * * Кавалак хлеба. Муха над вухам зьвініць. Кубак малака. * * * Выйшаў з кватэры, толькі рэха вітае мяне на сходах. * * * За будынкамі стракатаю хмараю зьнікалі галубы. * * * Сінія груды на поўначы Чэхіі ў сонечны дзень. * * * Руды сабака брэша за весьніцамі… Няўжо я чужы? * * * Як моцна дрэва за глебу трымаецца… Зрываю кветку. * * * Ценем фіранкі крэсьліць паперу вецер, складае свой верш. * * * Руіны мура, ізноў ты стаў валуном, камень на груду. * * * Фарбую сьцяну. Ці знойдзе шэры павук сваю шчылінку? * * * Ядлаўцовы куст выкінулі на пясок хвалі верасу. * * * Засохла дрэва. І жукі-дрывасекі тут завяліся. * * * Сена варушу. Нават у летніх травах схавана восень. * * * Добрая душа, падары цыгарэтку, запалім разам. * * * Павуком пабег чырвона-чорны камбайн у жоўтым жыце. * * * Ляжу пад дрэвам, а ў галаве ні думкі, адпачываю. * * * Ядлаўцовы куст, ці чалавек на грудзе махнуў рукою? * * * Залаты жучок раптам мільгануў і зьнік – вецер у траве. * * * Ты сумуеш па ветру над возерам, жучок-плывунец? * * * Кветку не кранай, бо загудзе на цябе раззлаваны чмель. * * * Здароў, землякі! На слупе пры дарозе рэжу слова “Менск”. * * * Гарбаты жучок, на плячах сваіх схаваў лёгкія крылы. * * * Прылёг на зямлю. Адкінуўшы рыдлёўку, адпачываю. * * * Заварушыўся каля берага чарот, выпаўзла жаба. * * * Да дому прынёс на адзежы кастрыцу. Хораша ў лесе. * * * Пакінуты дом, ці будуецца новы? Шарая гадзіна. * * * Стомлены працай. Прыемны холад вады. Доўга мыюся. * * * Чыркнуў запалкай. Вастракрылы матылёк сьвеціцца ў цемры. * * * Грукнулі дзьверы. Пацягнула скразьняком… Прачнуўся ноччу. * * * Жнівеньскі месяц праглынулі аблокі. Халодная ноч. * * * Старога сябра галава пасівела. Месяца сьвятло. * * * Ляжаў і слухаў, вось крокі праходжага далей і далей. * * * Чыркнуў запалкай. Вецер, не тушы ўначы крылы полымя. * * * Што мне трэба ўзяць? Яблык у кішэнь паклаў. Холад раніцы. * * * Пасьля хваробы выйшаў на двор прайсьціся. Халодны вецер. * * * Колькі кастрыцы! На белым грыбе сьлімак адпачывае. * * * Затрапятаўся блакітны вітраж – вецер крануў галіны. * * * Сябра-верабей, ты прыляціш да мяне сумнай раніцай. * * * Аловак схаваў. Толькі вецер варушыць лісты паперы. * * * Яблыня-дзічка, ты ізноў нарадзіла толькі ападкі. * * * Што за хмарамі? Можа, і там, па небе сыпле дробны дождж? * * * Жоўтае лісьце, дробныя хвалі нясуць. Холад лужыны. * * * Зробіць смачнымі яблыкі з антонаўкі халодны вецер. * * * Лясныя сьцежкі, размыты доўгім дажджом, верасень ідзе. * * * Хавайся хутчэй, вадамер. Бачыш, лісьце жоўтае плыве. * * * Сухое лісьце. Вецер зжоўклай газеты старонкі панёс. * * * Конік засьпяваў у пажаўцелай траве. Сёньня так сумна. * * * Кошык з грыбамі панёс чалавек – сьціхлі конікі ў траве. * * * Ад каго схаваў жоўтае лісьце вецер пад агарожай? * * * Праз мокрае шкло паглядзі на праходжых, што шпарка ідуць. * * * Ніхто ня ўбачыў, я спыніўся ў натоўпе, стаю пад дажджом. * * * Грак над ворывам, паляцеў уздоўж груда, крыкнуўшы ветру. * * * У белай місе, нібы вока восені, чырвоны яблык. * * * Камарык зьвініць? Ці сухую галінку гайдае вецер? * * * На хвалях ракі алешыны ліст паплыў… Дзе ён спыніцца? * * * Шэпча аб нечым мне мурзатая грубка. Восеньскі вечар. * * * Чарку гарэлкі наліў і выпіў адзін. Нямаю сябра. * * * Хто з нас больш сумны? Гэты дождж параўнаю са сваім жыцьцём. * * * Запалілі ліхтар. Кроплі дажджу прачнуцца на маім вакне. * * * У цёмным кутку начапельнік драўляны. Мокры капялюш. * * * Комін фабрыкі. У лужыне мазута. Мокрыя боты. * * * Шклянка ля крыжа на вясковых могілках зьбірае лісьце. * * * Хто гэтай ноччу наведае ліхтары? Холад верасьня. * * * Доўга п’ю каву, аб жыцьці разважаю. На вуліцы дождж. * * * Каля вогнішча, змокшы наскрозь пад дажджом, прысеў адпачыць. * * * У маім доме лістападаўскі вецер зачыніў дзьверы. * * * Зорнае неба. Доўгімі зрабіў цені высокі ліхтар. * * * Месяц не ўзыйшоў. Ліхтары ўздоўж дарогі – маё сузор’е. * * * Сёньня здалося – не вярнуцца ніколі мне да Радзімы. * * * П’е чарку адзін, бо на Радзіме сваёй ня мае сябра. * * * На лямпу гляджу: вось родныя мясьціны, так недалёка. * * * Шкляначку кавы купіў і сьпяшаюся дадому, зварыць. * * * Час адпачынку, і кожны нешта сваё ўспамінае. * * * Брата б убачыць, яго руку паціснуць, хоць на імгненьне. * * * Цыгарэтка ў руцэ, зьбіў попел, і агеньчык быццам прачнуўся. * * * Шэра-чорны цень у жыцьці пакідаю – свой фотаздымак. * * * Змоўкла радыё, тэлевізара сьвятло гасьне на вачах. напiсаў МІраслаў Шайбак 07.03.2003, 16:52
Паводле радыё Пачуць павінен я быў Брата, не пачуў P.S. Усё слушна, ці недзе памыліўся ў разьліках? напiсаў hary 08.03.2003, 16:34
Кроплі дажджу так злосна грукаюць у шкло… Плача Беларусь. Крок наперад. Там – прорва? Ляці ў неба! Вучуся лётаць. Сьцірае зрэнкі, фарбуе павекі сьвет. Чырвань у вачох. Балюча табе адчуваць далячынь. Ды йнакш немагчыма… напiсала Zorna 16.03.2003, 01:47
*** Снег за вокнамі. Дачытваю, каб вярнуць, чужую кнігу. напiсаў Адам Глобус 06.04.2003, 12:15
Идет из крана ржавая вода И зелено в моих глазах Порхают думы вокруг нас Greshnik&Wishmaster напiсаў moecus 13.04.2003, 04:51
Чуть что так ручкой в глаз Любовь странна порой Дары души твоей прекрасны Greshnik&Wishmaster напiсаў moecus 13.04.2003, 04:52
Праздник был вчера Шеф смотрит на распухшее лицо И с нею было в первый раз Greshnik&Wishmaster напiсаў moecus 13.04.2003, 04:58
*** Мой месяц ясны зіхціць па-красавіцку, у чорным небе. напiсаў Адам Глобус 13.04.2003, 23:11
*** Закрасавала ідэальная поўня па-над усімі. напiсаў Адам Глобус 16.04.2003, 23:26
Рама Кришна вышел в поле и увидел стадо летящих журавлей… напiсаў абоТ 17.04.2003, 00:15
Хлопьями белыми цветки легли С ней было хорошо И ничего, что звать ее Борисом Greshnik&Wishmaster напiсаў moecus 17.04.2003, 03:26
Под красноту твоих глаз Под синеву твоих ног Пришла весна… Greshnik&Wishmaster напiсаў moecus 17.04.2003, 03:27
[b]Юле:[/b] Бумага отразила наши чувства О, муза… И семечки одно нам утешенье Greshnik&Wishmaster напiсаў moecus 17.04.2003, 03:28
*** Ад поўні стролькі Святла, што бачны колер Вачэй. Красавік. напiсала anna 17.04.2003, 07:02
*** Вясна! Ці варта шукаць натхнення ў каці- ным воку поўні? напiсала anna 22.04.2003, 15:06
*** Вавёрка ў парку непрыбраным скача па маладой траве. напiсаў Адам Глобус 23.04.2003, 17:46
*** Уся ў пупышках Старая лістоўніца. Дзяўчо-падлетак. напiсала anna 23.04.2003, 17:54
*** Толькі здаецца, што лёгка пісаць хайку японскай ручкай… *** Вада ў калюзе шэра-цёмная, нібы не бачыць неба. *** Холад на могіл- ках… Хіба прыходзіць і сюды вясна? Так… напiсаў Адам Глобус 24.04.2003, 14:33
На небе стая бегемотов Смех вырвался наружу Глаза край опущен Greshnik&Wishmaster напiсаў moecus 26.04.2003, 02:43
Солнце во мне Субботу осветило Весна пришла… Greshnik&Wishmaster напiсаў moecus 26.04.2003, 02:45
Якія мужныя й шчырыя твары ў нашых партызанаў ! Асабліва на рэльефных пано, Каваных і мазаічных напiсаў Маnn Kurt 03.05.2003, 07:57
Сегодня зло в тебе Горит вода в глазах Ответ нам тишина Greshnik&Wishmaster напiсаў moecus 04.05.2003, 02:49
Міліцэйскі трактар на ўзбочыне самотна стаіць. Краіны святое імя Міжволі ўзгадаю. напiсаў Маnn Kurt 04.05.2003, 13:01
Упартасць, кажуць, заўжды вартая лепшага ўжытку, Толькі – дзе ён, той лепшы ўжытак ? Ужо Позна. напiсаў Маnn Kurt 04.05.2003, 14:55
Сыру у краме куплю. Мазісты, як звычайна. Падсумоўваючы Незваротныя страты, выдзелю галоўную: Дзіркі. напiсаў Маnn Kurt 04.05.2003, 14:56
Як ён пісаў усе гэтыя фугі, маючы дванаццаць дзяцей ? То паспрабуй, Скажы цяпер, што любыя паслядоўнасці гукаў… У роспачы Швейцэр Едзе ў Габон. напiсаў Маnn Kurt 04.05.2003, 15:36
Усе на Канары імкнуцца, а ён аднойчы таемна перабраўся ў Марока, Каб над Іспаніяй хмары разышліся і мы маглі слухаць Аранхуэскі канцэрт. напiсаў Маnn Kurt 04.05.2003, 15:37
Наварыў ты піва, пане Міхале ! Маладое, але ўжо Не выхадзіцца, бадай. То цяпер Апранай хабіт. напiсаў Маnn Kurt 04.05.2003, 15:41
Пяшчота больш не дэфіцыт, а тавар Маркізавы, наадварот, каціруецца Усё вышэй. напiсаў Маnn Kurt 04.05.2003, 16:35
Kwanzaa celebration in a village. Seven Days wasted. However, not a single Line written. напiсаў God seen Afrika 04.05.2003, 18:17
Расшыфраваныя геномы і коніка, і цвыркуна, 3D – ці даведаецца пра гэта душа Беднага Кітса ? напiсаў Маnn Kurt 04.05.2003, 20:40
Я не падарунак (пахне чабор) Але хіба іншыя лепш ? Ni una mano…ni un favor. напiсаў Yira 04.05.2003, 21:11
Еду на драўляным ровары з квадратнымі коламі, Не тое каб зручна, але продкі запавядалі. Злез бы, ды суседзяў баюся. напiсаў Маnn Kurt 04.05.2003, 22:05
Брат-фермер у Зімбабвэ надзвычай Па Радзіме сумуе, і я яго Разумею напiсаў Kompetisie 04.05.2003, 22:08
Рамантую старыя катурны. Хутка Чарговы адказны марш – не хачу Выглядаць прасцячком напiсаў Маnn Kurt 05.05.2003, 08:51
Люблю менскі іпадром за ўдумлівую Цішыню. Не тое, што Эскат – банальны Кірмаш пыхі. напiсаў Маnn Kurt 05.05.2003, 08:53
У той ліпень Пётр Першым забег па прыступках Ацалелага дому. Ці ўспамінаў ён Брэйгеля, Пазіраючы на руіны Менска з вышыняў ? напiсаў Маnn Kurt 05.05.2003, 10:02
Гэтую давялося ўдакладніць: Я не падарунак (пахне чабор) Але хіба іншыя лепш ? Ni una mano…ni un favor. напiсаў Yira Yira 05.05.2003, 10:04
Погляды непазбежна змяняюцца. Гэта доказ Нашага развіцця, складанай духоўнай Эвалюццыі. напiсаў Jonathan 05.05.2003, 11:35
Конік зайржаў: “Гуігнм!” на стаенцы, а я Згадваю Лемюэля і спрабую перакласці Yahoo - атрымліваецца “люцц” напiсаў Jonathan 05.05.2003, 11:36
Некалі бабровыя футры былі мяккай валютай, то і цяпер клікні у шукальніку Beaver Hunt – пераканаешся, Якая каштоўнасць. напiсаў Баброўнік 05.05.2003, 12:04
У “Менскай праўдзе” гумарэску чытаю. Побытавая глеба, як Антэя, ты нас Моцна трымаеш напiсаў Маnn Kurt 05.05.2003, 20:47
Life expectancy. Most importang thing you have To know to plan anything. Even should You care about a brolly today. напiсаў Fortune teller 09.05.2003, 12:41 |
