| |
• Адам Глобус [e,ф,8]
• Аксана Бязьлепкіна [e,2]
• Алесь Аркуш [i,e,ф,6]
• Алесь Разанаў [1]
• Аляксей Бацюкоў [e,2]
• Аліса Бізяева [i,e,ф,17]
• Андранік Антанян [i,e]
• Андрэй Дынько [i,e,ф,3]
• Андрэй Курэйчык [i,e]
• Андрэй Хадановіч [i,e,ф,12]
• Валерыя Кустава [i,e,2]
• Валянцiн Акудовiч [i,e,ф,1]
• Вольга Караткевіч [i,e]
• Віктар Сьлінко [2]
• Віктар Сямашка [i,e,1]
• Вінцэсь Мудроў [i,e,ф]
• Ганна Гершвін [e,1]
• Ганна Кiслiцына [i,e,ф,7]
• Зьміцер Арцюх [e,1]
• Зьміцер Бартосік [i,e,ф]
• Зьміцер Вішнёў [i,e,ф,3]
• Зьміцер Дзядзенка [e,1]
• Людка Сільнова [1]
• Людміла Рублеўская [i,e]
• Лявон Вашко [4]
• Лявон Вольскі [i,e]
• Лявон Юрэвiч [i,e,ф,2]
• Маnn Kurt [i,e,ф,14]
• Макс Шчур [e,2]
• Марыя Мартысевіч [i,e,2]
• Мікола Папека [i,e,1]
• Міра Лукша [i,e,1]
• Павал Сьвярдлоў [i,e,1]
• Павел Абрамовiч [i,e,3]
• Павел Надольскi [i,e]
• Палівач [e]
• Пятро Васючэнка [1]
• Севярын Квяткоўскі [i,e]
• Серж Мiнскевiч [i,e,ф,1]
• Славамір Адамовіч [1]
• Сяргей Астравец [i,e,1]
• Сяргей Сматрычэнка [e,1]
• Сяргей Шыдлоўскі [i,e,ф,1]
• Тацяна Сьлінка [e,ф]
• Уладзімер Арлоў [i,ф,1]
• Усевалад Гарачка [e,2]
• Францiш Богуш [e,1]
• Цiна Клыкоўская [e,1]
• Юрась Барысевіч [e,1]
• Юры Гумянюк [i]
• Ігар Бабкоў [e,7]
• Ігар Сiдарук [i,e]
• Ўжо ня дзевачка... [i,e,ф,1]
• Ільля Сін [i,e]
• Інэса Кур`ян [e]
• Ірына Хадарэнка [i,e,ф]
i - толькi iнфармацыя
е - ёсьць email
ф - ёсьць фота
лiчба - колькасьць матэрыялаў зьвязаных з аўтарам |
|
| |
Кніжная нацыя
 Лявон Юрэвiч, 10.06.2002
Недзе, ці то ў сеціве, ці то радыйнай перадачы, а мо нават і ў друку, нехта назваў беларусаў "кніжнай нацыяй", маўляў, калі ў нас і ёсьць што — дык на бачынах кнігаў. Там наш залаты час, там — сталіца Наваградак, там — БНР. Там шляхоцтва, ліцьвінства. Толькі там.
 чытаць артыкул
створаны: 27.06.2002, абноўлены: 07.07.2002 03:45, камэнтароў: 12
|
Якая, нафіг, нацыя кнігі? Аднаасобнікі, "эгаісты", думаюць толькі пра сябе, бароняць сябе ад дзяржавы, ад грамадзтва, ад чужога ўплыву. "Беларусь - гэта найперш я, а потым нешта яшчэ". Беларусь - панятак экзыстэнцыйны, і кожны сам вырашае, якая ў яго Беларусь. І падказваць, якія кнігі патрэбныя, - ня стане ніхто! Калі зьявіцца - от тады скажуць: дык мы ж гэтага і чакалі. А не - то й не! Маўляў, і так ужо дастаткова абазначылі тэмаў, гісторыяў, раманаў.
напiсаў Zban 27.06.2002, 22:16
Беларус беларусу - чытач.
Пляжаць, крытыкуюць, бэсцяць дзеля таго каб яшчэ больш чыталі.
Вось калі нехта некага пахваліць, вось тады разгортваецца драма. Прачытайце ўхвальную рэцэнзію якога Марціновіча, гарантую, што чытаць адрэцэнзаваны твор не будзеце.
Крытыка - найлепшая рэклама.
Шаноўны спадар Юрэвіч альбо гэтага не разумее, альбо свядома блытае жанры эсэ з крытычнай нататкаю. Найлепшае выйсце для Юрэвіча - разгорнута акрэсліваць жанр у падзагалоўку.
напiсаў Адам Глобус 28.06.2002, 11:09
Свой адказ "Чэмберлену" я напісаў і паслаў у "Нашу Ніву". Хаця на 99.99% перакананы, што не апублікуюць. Так што ашчажу свой і ваш час і ня буду паўтарацца. Але адно мяне, - прабачце, Збан, - насьмяшыў Ваш камэнтар. Я зразумеў, што Вы аддаеце перавагу групавому чытаньню, а я, чамусьці, лічыў што гэта справа інтымная, асабістая. А вось наконт падказываць… Дык я ўжо даўно галашу на ўсіх форумах, што патрэбныя кніжкі якія ЧЫТАЕ шырокі чытач: баявікі, фантастыка, дэтэктывы, прыгоды, тая-ж эротыка. Ну ўсё, хаваюся ў бульбу, зараз мяне Глёбус пачне пляжыць…
напiсаў Раман Кардонскі 01.07.2002, 14:54
Лявону
Нават калі пагадзіцца з тым што беларусы - нацыя чытачоў (бо калі прачытаць Бэнэдыкта Андэрсана, дык можна даведацца што кожная нацыя пачыналася як нацыя чытачоў, я думаю ягоныя "Уяўленыя супольнасьці" мусяць быць у НЁрскай публічнай бібліятэцы), дык зьдзіўляе сэнтымэнтальная прывязанасьць да невялічкага набора "дзіцячых" па тэрміналёгіі Акудовіча кніжак. БНР, шляхоцтва, літвінства?
Што, іншых, "дарослых" кніжак беларусы не чытаюць?
напiсаў rumi 01.07.2002, 20:43
Юрэвічу
Гаворка была не пра чытаньне як працэс калектыўны ці асабісты. Гаворка была іншая: ці ёсьць беларусы "нацыяй кнігі"? Ці можна назваць так нацыю, якая тых кніжак і не чытае? Калі б нацыя чытала, беларускія кнігі мелі б наклады не па 100-300 асобнікаў. А тое, што ўся нашая гісторыя ёсьць у нейкіх кнігах… Дык у шумэраў таксама ўся гісторыя, што ёсьць, — яна, ведаеце, у кнігах.
напiсаў Zban 02.07.2002, 19:50
Збану:
Па першае дазвольце прадставіцца: Раман Кардонскі. Што Вы лёгка маглі зрабіць клікнуўшы на ймя "raman". Я‚ калі шчыра‚ якраз апаную Юрэвічу. З другога боку‚ Вы ў менскім мэтро даўно езьдзілі? Я‚ дык апошні раз у траўні 2000 году. І чытаюць там нашмат больш‚ чымсьці ў нашым Бостанскім сабвэю. Хаця Бостан па-правбу лічыцца інтэлектуальнай сталіцай ЗША. Але вось ёсьць пытаньне: а што чытаюць? Тыя-ж самыя "дэтэктыўчыкі". Мая маці настаўніца й наведваючы шматлікіх настаўнікаў маей роднай школы я зьдзівіўся‚ бо бачыў як мірна на адной паліцы ўжываліся Караткевіч і Бушкоў. Амаль усе мне казалі прыблізна такое: Калі-б былі дэтэктывы па-беларуску мы лепш чыталі-б іх. А тыя‚ хто не ўвашялі ў лік "амаль усіх" казалі‚ што беларускія пісьменьнікі няздольныя пісаць вострасюжэтныя рэчы (Караткевіч - выключэньне‚ якое…)‚ бо ня маюць таленту. Мне было крыўдна. Але‚ як выглядае‚ у чымсьці яны мелі рацыю.
напiсаў Раман Кардонскі 03.07.2002, 15:20
Раману:
Прашу прабачэньня, не ставала часу на працу з Інтэрнэтам, таму "стрэліў наўгад".
Не магу, на жаль, параўнаць менскае мэтро з бостанскім сабвэем. Але сёньня ў мэтро чытаюць газэты, хіба што. Сутдэнты - яшчэ і навучальную літаратуру. "Дэтэктыўчыкаў" якраз і небагата: а дзе ўзяць грошы на іх?
Да таго ж, друкаваць мастацкую літаратуру па-беларуску (нават безумоўныя бэстсэлеры) невыгодна для выдаўцоў. Я ведаю, як доўга шукалі выдаўца беларускія перакладчыкі Толкіна.
напiсаў Zban 03.07.2002, 19:55
Збану:
Мае назіраньні якраз супярэчаць таму, што Вы пішаце. Бо чытаючых газэты, ці падручнікі я якраз і не бачыў. Але тое, што ў КОЖНАЙ хаце якую я наведваў падчас вандроўкі ў Белаусь, былі кнігі дэтэктыўнага жанру, баяцвікі, фантастыка і г.д. У бальшыні яны былі надрукаваныя пасьля перабудовы. Адкуль ведаю? Ёсьць у мяне адна дрэнная звычка. Жонка, дарэчы, вельмі на яе сварыцца. Зойдучы да кагосьці ў хату і ўбачыўшы кніжныя паліцы, ці шафы, ня спынюся пакуль кнігі ня перагледжу.
напiсаў Раман Кардонскі 04.07.2002, 13:52
2raman
І ўсё ж такі, кватэра і мэтро - "дзьве вялікія розьніцы, альбо чатыры маленькія", так?..
Наконт прысутнасьці баевікоў, фантастыкі etc. бадай у кожнае хаце - пагаджуся. Але пісаць кнігі на ўзроўні Караткевіча, Желязнага, Стругацкіх, Эка - а іншых беларускія (найперш "сьвядомыя", а потым - расейскамоўныя інтэлектуалы, якія паважаюць нашую мову, але ня могуць пераадолець сябе і гаварыць на ёй пастаянна) чытачы і ў рукі браць ня стануць, - кнігі такога ўзроўню старэйўае пакаленьне напісаць проста ня зможа. Яны не прызвычаіліся апэраваць такімі катэгорыямі, алюзіямі, літаратурнымі, філязофскімі, культурнымі адсылкамі. Маладзейшыя, відаць, маглі б, але - дзе ім выдавацца, зноў паўтаруся. Расейцы, між іншага, да нядаўнага часу мелі падатковыя палёгкі для кнігавыдавецкага бізнэсу (ня ведаю, як там зараз). У Беларусі такога няма.
Творы ж узроўню Буніча, Вароніна, Марынінай па-беларуску выдаваць ня стане аніхто. Недзяржаўныя выдавецтвы - бо гэта непрыбытковы праект. Дзяржаўныя… Дзяржаўныя - стануць, калі кнігу напіша хто-небудзь зь сяброў кіраўнікоў выдавецтва. Але я магу сабе яшчэ ўявіць дэтэктыў Чаргінца "Краб возвращается", але не ўяўляю кнігу за подпісам "Зьміцер Вішнёў. Сьляпы страляе без папярэджаньня". Халера яго ведае чаму - але не ўяўляю (хоць Вішнёў, ведаю, пісаў сваім часам у жанры фэнтэзі).
напiсаў Zban 04.07.2002, 19:53
Збану:
Ці маглі Вы, спадар Зьміцер, нават у пачатку 1991-га году, што праз год Беларусь будзе незалежнай? Не? Бу дык і я таксама. Але апэрыраваць такімі катэгорыямі: "я не ўяўляю", - як быццам гэта цьвёрды факт, - у спрэчках, я-б не стаў. Бо, хоць і дрэнна я вучыў у свой час МЛФ, але на адзін пастулат мяне ўсё-ж хапіла: "Крытэрыем ісьціны зьяўляецца практыка".
напiсаў Раман Кардонскі 05.07.2002, 14:59
Дык жа парктыка і сьведчыць, што падобныя раманы не зьяўляюцца, не выходзяць з друку.
напiсаў Zban 06.07.2002, 13:49
Збану:
Крыху пра "падобныя раманы" распавёў Алесь Аркуш. Але ён напісаў, што зараз такія раманы ня пішуцца й тлумачыць гэта станам спраў у літаратуры. Магчыма, ён і мае рацыю. Мне цяжка судзіць, бо надта далёкі я ад пісьменьніцкай "кухні".
напiсаў Раман Кардонскі 07.07.2002, 03:45
Вы павiнны ўвайсьцi ў сыстэму або зарэгiстравацца (калi шчэ не зрабiлi гэтага), каб мець магчымасьць пiсаць камэнтары або навiны. | |
| |
