|
|
| Вiтаю, дружа! |  |
|
| увайсьцi | зарэгiстравацца |
|
|
| |
У якасці каментару, прапаную нататку з серыі "Сучаснікі". 2001. Забужка і канец Праглядаю раманец Аксанкі Забужкі "Палявыя доследы ўкраінскага сексу" і згадваю барадаты анегдот… Сядзіць на лаўцы старая баба і раптам як загалосіць-загалосіць:"Згвалцілі-згвалцілі, вы-блі-вы-блі… Лыткі запальнічкаю папрыпальвалі!!!" Збягаецца народ. "Хто?" "Дзе?" "Калі?" Галасістая баба ўадказ:"Мужчына-пераможца, у палях Украіны, недзе там у сярэдзіне мінулага стагоддзя…" "Што гэта Вы, бабуля, людзей падманваеце?" "Згадаць прыемна!!!" Праўда - згадка прыемная, толькі ёсць у раманцы адна прапісаная акалічнасць:"…а ў выніку і не скончыла ні разу…"  напiсаў Адам Глобус 28.06.2002, 16:54
Адкуль узяліся словы пра жаноцкасць ў кантэксце? Калі ласка, прыбярыце… напiсала anna 28.06.2002, 17:49
Ганна, дробная "карэктарская" заўвага: Roland Barthes - Ралян (Барт) Derrida Jacques - Дэрыда (Жак) А так, вельмі ўражвае напiсаў Roland 28.06.2002, 20:38
Згодная. Толькі "Ралан", я ж на наркомаўцы пішу… напiсала anna 29.06.2002, 13:25
Хто гэта адрэдагаваў мой тэкст? Вы б хоць дазвол спрасілі! Гэта маё права называць Дынько Дыньком, а не Евай Сыс. напiсала anna 29.06.2002, 15:51
Н-да-да! Словы ёсьць, але прамаўляць ня хочыцца. Хто ўвогуле на Літары за што-кольвечы адказвае? напiсаў Алесь Аркуш 29.06.2002, 15:58
Ганна! Мне падаецца, што гэта ўсё ж такі справа аўтара, як сябе называць. Артыкул быў падпісаны Евай Сыс. У вас у артыкуле была фактычная памылка, якую паправіў наш рэдактра Алесь Пяткевіч. напiсала alice 30.06.2002, 15:03
Аркушу. Дарэмна вы злуецеся. напiсала alice 30.06.2002, 15:04
Алісе Аўтар у дадзеным выпадку - Ганна. Якая сьвядома пайшла на раскрыцьцё псэўданіма іншага аўтара, што яе права. Максымум карэктнай рэдактарскай увагі — гэта адзначэньне ў дужках ад рэдактара, што артыкул быў падпісаны Евай Сыс. Любая нетэхнічная зьмена ў тэксьце патрабуе згоды аўтара, альбо адзнакі рэдактара, што такая зьмена адбылася. У гэтым сэнсе абсалютна геніяльным рэдактарам быў Дубавец. Ён не ленаваўся званіць зь Вільні і ўдакладняць коскі з аўтарамі, якіх цаніў. Зьмены і рэдактура без ведама і згоды аўтара — стыль новай НН, які й выклікаў нараканьні і адыход ад газэты практычна ўсіх Дубаўцоўскіх кадраў. Не наступайце не на свае граблі… напiсаў rumi 30.06.2002, 15:32
Цалкам падтрымліваю Румі і выдатна разумею Ганну! Спадзяюся, што прыслухаюцца! напiсаў rydel 30.06.2002, 16:09
2 BHC У літаратуры паняцце ўзросту вымяраецца колькасцю кніг, а не фізічным узростам. Так што дазвольце пакінуць Роўду з Вежнавец маладымі… Дзякуй за ліст! напiсала anna 04.07.2002, 15:13
Anna na niesta adkazala, ale kamu i na jakoje pytannie - zastajecca tolki zdahadvacca. U styli "pastovaj skryni" NN. напiсаў bielarecki 04.07.2002, 16:33
Пра рукі… пасьля прыбіральні… трэба ў ЛіМе надрукаваць. напiсаў marmon 04.07.2002, 18:14
Можа некалькі радкоў з таго ліста пакінуць на форуме, а то навошта было адказваць тут, а не так жа канфедынцыйна. Інтрыга :) напiсала alice 04.07.2002, 19:23
Які "Глобус у спадніцы"? Дзьвух Глобусаў нам ня вытрываць. І так амаль усё закатана пад пляцоўкі "гарадзкой прозы", "інтэлектуальнай прозы", хрэн ведае якой эўрапейскай прозы, а цяпер- і "жаночай". Жывое, якое адкінулі як неканвэртабельнае, прабіваецца на маргіналіі, ламанае, магчыма, некандэнцыйнае- праз асфальт лезе. Неяк усе прафэсійна зацялісь, страцілі лёгкасьць, некуды падзелісь графаманы, пьяныя ад слова, Андрэі Белыя. Не хапае Францішка N, каб іх расшаволіць? Цяперашні бел. літаратар нагадвае асьпіранта, што думае толькі як бы яму не прамахнуцца з тэмай і кіраўніком. Куды падзелісь "студэнты"? Яны сёньня, здаецца, ужо зь першага курса пішуць "кандыдацкія". Чаму Глобусу падабаецца Віян? Віян мае тое, чаго нам не хапае- здатнасьць сьмяяцца і сьмяяцца над сабой. Віян ня проста правакуе, гэтаму мы навучылісь, ён сам вядзецца на правакацыі- тут кайф і для яго, і для нас. А каго мы падманваем сваім злым сьмехам з часоў "Лукі Мудзішчава", ці мы самі верым, што нам весела? Што было лепшага ў літаратуры прамінулых дзьвух стагодзьдзяў- бунт супраць буржуазнасьці. А ў нас запаноўвае нешта больш пачварнае, з нашым бульбашоўскім вадзяністым акцэнтам- заглянцавелая, тэхналягічная, канвэерная мьястачковасьць. Пладзім глянцавыя вокладкі і цешымся фінскай паперай. напiсаў Mesidz 06.07.2002, 12:18
Нарэшце мэсыдж прыйшоў. А то неяк сумнавата было. :)) напiсаў Ігар Бабкоў 06.07.2002, 12:45
Мэсіджу Усё праўда. Па нас прайшоўся асфальтаўкладчык і закатаў нас "пад пляцоўкі". Кагосьці цалкам, у кагосьці тырчаць ногі, у кагосьці галава. А мы та думалі, што гэта анёлы ляцелі. Сёньня - час выдзірацца з асфальту ды "ўзяць у рукі кала. І засьпяваць неціхенька: ла-лала-ла-лала-ла" Напэўна, гэта і ёсьць "новая культурная сытуацыя" напiсаў Ігар Бабкоў 06.07.2002, 13:25
Гэтую прозу не назавеш жаночай. Хутчэй проза жанчын. Якія адвялі мужыкам ролю рэчы — партманэ ці вібратара. Самае неверагоднае, што пакуль я пісала, "беларуская Забужка" з"явілася! напiсала anna 06.07.2002, 14:51
Бабкову: Хацеў, прачытаўшы Мэсіджа, напісаць штосьці накшталт Вашага адказу. Але ў Вас атртымалася больш таленавіта й, - што бадай, галоўнае, - карацей. Вось толькі наконт чагосьці "тарчашчага" я ня зусім згодны. Мне здаецца, што нічога ня тырчыць - роўная асфальтавая пляцоўка… напiсаў Раман Кардонскі 06.07.2002, 15:00
Асьцярожна, Рамане… Вы хіба не зразумелі, даражэнькі, што Вы й ёсьць адной з інкарнацыяў таго трактара які нас утрамбаваў. Гэта за Вамі мы праз хвіліну панясемся з каламі. Хоць і свой трактар і па-беларуску, але калі тутэйшыя мужыкі расьсьвірыпеюць… Асабліва пасьля вашых пры-колаў і пад-колак :)) напiсаў Ігар Бабкоў 06.07.2002, 18:50
Ганьне І хто такая "беларуская Забужка"? напiсаў Ігар Бабкоў 06.07.2002, 18:51
У бліжэйшым Архэ будзе аповесць. Аўтарка схавалася за псеўданімам Марта Пінская. Цікава, што героямі другога плану сталі вядомыя літаратары. Глобус на яе тле выглядае непапраўным рамантыкам. напiсала anna 06.07.2002, 19:53
Бабкову: Я і вяртаўся сюды з калом, у чыстай кашулі, з памытымі рукамі, гатовы палегчы тут сёньня касьцьмі. Што ж, прыйдзецца цяпер, абескуражаннаму, ісьці на Купальле. "Глобус на яе тле выглядае непапраўным рамантыкам." І Глобусу застанецца толькі бегчы ад пазору, перапрануўшысь у жаночую/ бываюць і шатляндзкія/ юбку? напiсаў Mesidz 06.07.2002, 20:33
Ігар, калі не сыходзіць у паэзію, у лірыку, у тонкія матэрыі, дзе няма ні браніраваных машын ні гендар-каманды, яны сапраўды закатаюць асфальтам нашу ніву. Таму лепш стварыць мірыяды галінак Лі Бо, дзе чырвоны колер гэта колер кляновага ліста, а не колер пагонаў. Дзякуй за грэгерыю. напiсаў Адам Глобус 06.07.2002, 21:02
Мне здаецца, што Глобус ніколі і не спрабаваў давесці чытачу, што ён за ўсіх круцейшы. Яго Дамавікі былі яго асяродкам… Гаворка пра іншае. Жанчыны сталі выконваць заказ ўмоўнага масавага чытача. Вось Кардонскаму напэўна будзе цікава прачытаць пра ўзаемаадносіны лесбіянак… У мяне ж гэта выклікае толькі шкадаванне. напiсала anna 06.07.2002, 21:05
Мэсідж, ты спытаў у мяне ці не народны я паэт, даўно, яшчэ на палічцы. Не, я не народны, я беларускі, славянскі паэт. А хто ты ў нас такі з "пазорнай юбкаю"?:-) напiсаў Адам Глобус 06.07.2002, 21:08
Мы хочам заставацца паліткарэктнымі, талерантнымі, дэмакратычнымі… Пачні я пісаць пра гэтую аповесць — абвінавацяць у гомафобіі. Хочацца іншым разам папрасіць прабачэння… У Кардонскіх — за інтэлект, у Пінскіх — за арыентацыю. Між тым, галоўным застаецца мастацкая рэалізацыя. напiсала anna 06.07.2002, 21:19
Глобусу Валодзя, мы абавязкова патонем у Лі Бо, калі ўжо ўсё будзе безнадзейна, усіх утрамбуюць альбо купяць і на паверхні будзе боўтацца толькі г-но… Але пакуль гэтага не адбылося, памахаць - у перапынках між вершамі і раманамі - чароўным дзэнскім калом - па старому сармацкаму звычаю - мы яшчэ здатныя. Мэсіджу Не хвалюйцеся, Ваш кол таксама спатрэбіцца. Сачыце за восеньскім раскладам танцуляк. :) Ганьне Няхай "мы" і застаюцца паліткарэктнымі. А ты пішы тое, што хочацца :) напiсаў Ігар Бабкоў 06.07.2002, 22:52
Мэсіджу "Пладзім глянцавыя вокладкі і цешымся фінскай паперай." Дык што, вяртацца да "Ксэракса Беларускага"? напiсаў Алесь Аркуш 06.07.2002, 23:55
Hlobusu: "ты спытаў у мяне ці не народны я паэт, даўно, яшчэ на палічцы" Вы зь некім мяне паблыталі, гэта было не маё пытаньне. Хто я? Ваш стары і ўважлівы чытач яшчэ з крынічанскіх часоў. Хадзіў тады ў школу. Можа і я Вас зь некім зблытаў. Мне сустракалісь камэрсанты, артысты ў душэ, такі сабе тып нэронаў. Але каб камэрсант і насамрэч зьяўляўся адначасова артыстам- вось гэта да, падумалась мне і я палез перачытваць Сэнэку. Вы ж не крыўдуеце на "пазорную юбку"? напiсаў Mesidz 07.07.2002, 10:53
Ганьне: Адзін факт Вашага, Ганна, існаваньня гальванізуе галемаў бел.літ. супольнасьці, але што ў Вас за матыў з "партманэ і вібратарам"? Падобна на пазычку з паліт-шоў-праграмы мілай Арбатавай. Вашыя "партманэ і вібратар" выглядаюць гэтаксама кансэрватыўна і …міла. Фэміністкі падтрымліваюць існуючы лад, зацікаўленыя насамрэч у існаваньні мужчынскага парадку. Інакш будуць зьедзеныя сваімі беспрынцыповымі і безьідэйнымі супляменьніцамі. Не сымулюйце …энтузыязм, спадзяемся на сапраўдную рэвалюцыю. І заставайцеся паліт-НЕкарэктнай. Будзіце Вы пісаць за лесьбіянак ці супраць- у Вас заўжды будзе ўважлівы чытач. напiсаў Mesidz 07.07.2002, 11:07
Бабкову: А дзе Вы падзелі свой самурайскі меч, што спадзяецеся на "кала"? Няўжо сапраўды так безнадзейна. напiсаў Mesidz 07.07.2002, 11:15
Аркушу: "Дык што, вяртацца да "Ксэракса Беларускага"?" А Вы зь яго хіба выходзілі? напiсаў Mesidz 07.07.2002, 11:19
Мэсіджу Чаму? З "КБ" мы ўзьняліся да "Калосься" і біяграфіяў у энцыкляпэдыях. "КБ" існаваў у сытуацыі савецкага падпольля. Дык я і пытаюся: ці вяртацца ў падпольле? напiсаў Алесь Аркуш 07.07.2002, 12:25
Мэсіджу Калі трымаеш кала, дык нават у самым распале бойкі на ім раптоўна прарастаюць кветкі і ўсе спыняюцца ў задуменьні… Калі трымаеш меч, дык нават у найглыбейшай цішыні мэдытацыі на ім праступае кропля крыві забітага ворага і ты знаходзіш сябе ў пекле. З калом можна змагацца з уласным нутраным трупам. Меч у гэтай сытуацыі не дапамагае. напiсаў Ігар Бабкоў 07.07.2002, 13:21
Аркушу Алесь, вярнуцца нікуды немагчыма і ніхто не заклікае вяртацца. "Ксэракс Беларускі" - гэта насамрэч птушка, якая была выпушчаная з клеткі. І пакуль "мы ўзьнімаліся" яна самотна сядзела на дрэве і чакала зярнятак. А птушкі - гэта божыя стварэньні. Толькі яны нас выратуюць. напiсаў Ігар Бабкоў 07.07.2002, 13:29
Мэсіджу Пытанне было тваё. Запрацуе палічка,і ты яго пабачыш. Калі ты Мэсідж, а не Мэсідж-999, і калі на палічцы не пагарэлі форумы. На пэўным этапе хітрасць пачынае выглядаць тупасцю і знявагаю да астатніх; так здарылася з Пазняком, думалі герой, а насамрэч трус-беларус. А галоўнае: спадніца, а не юбка, трэба пісаць. напiсаў Адам Глобус 07.07.2002, 14:55
Бабкову: Дык нясіцеся, рабіце хоць што небудзь. А то паглядзіш на балота якое завецца беларускай літаратурай і ня вытрымаўшы адсутнасьці ў ім жыцьця пачнеш квакаць жабай. Ганьне: Жыцьцё лесьбіянак мяне, як масавага чытача, ня цікавіць. Больш таго да падобнага гатунку літаратуры я стаўлюся вельмі варожа. Мне больш падабаецца Давідовіч зь ягонымі апавяданьнямі пра каханьне. І давайце ва ўсіх праблемах белліту абвінавачываць чытачоў. Вельмі зручная пазыцыя… напiсаў Раман Кардонскі 07.07.2002, 15:59
Давідовіч, яно канешне лепш гучыць чымсці Далідовіч, але насмелюся паправіць масавага чытача, гутарка вядзецца пра Генрыха. напiсаў Маладосцявец 07.07.2002, 16:53
Мэсіджу Гадоў дзесяць таму прачытала пра даследванні амерыканскіх нейрапсіхолагаў, якія вывучаючы людзей з парушэннямі мовы, даведаліся, чым жаночы мозг адрозніваецца ад мужчынскага. Не буду грузіць падрабязнасцямі, але навукоўцы зрабілі выснову, што працэс творчасці бярэ свой пачатак у розных зонах мозгу ў залежнасці ад полу. З чаго вынікае, што ўсе працы па псіхалогіі творчасці трэба выкінуць, альбо перапісаць — для М. і Ж. Мне даўно хацелася гэтым заняцца. Аднак жа творчасць сучасных бел.пісьменніц аказалася нецікавай ні ў мастацкіх, ні ў палавых адносінах. Гэта тэксты клонаў пад рознымі імёнамі. За кожнай стаіць якая-небудзь праваабарончая арганізацыя — хельсінскі камітэт альбо цэнтр гендэрных даследванняў. Жанчына з калом мне не цікавая як крытыку. Ім трэба біямеханік. Але мне падабаецца вобраз Marii Janion, якая стала не толькі літаратуразнаўцам, але і польскім гей-сімвалам, культавай постаццю… Мне цікавы пол роўна настолькі, наколькі ён праяўляецца ў літаратуры. Мэсіджу Гадоў дзесяць таму прачытала пра даследванні амерыканскіх нейрапсіхолагаў, якія вывучаючы людзей з парушэннямі мовы, даведаліся, чым жаночы мозг адрозніваецца ад мужчынскага. Не буду грузіць падрабязнасцямі, але навукоўцы зрабілі выснову, што працэс творчасці бярэ свой пачатак у розных зонах мозгу ў залежнасці ад полу. З чаго вынікае, што ўсе працы па псіхалогіі творчасці трэба выкінуць, альбо перапісаць — для М. і Ж. Мне даўно хацелася гэтым заняцца. Аднак жа творчасць сучасных бел.пісьменніц аказалася нецікавай ні ў мастацкіх, ні ў палавых адносінах. Гэта тэксты клонаў пад рознымі імёнамі. За кожнай стаіць якая-небудзь праваабарончая арганізацыя — хельсінскі камітэт альбо цэнтр гендэрных даследванняў. Жанчына з калом мне не цікавая як крытыку. Ім трэба біямеханік. Але мне падабаецца вобраз Marii Janion, якая стала не толькі літаратуразнаўцам, але і польскім гей-сімвалам, культавай постаццю… Мне цікавы пол роўна настолькі, наколькі ён праяўляецца ў літаратуры. v напiсала anna 07.07.2002, 18:10
Скланавала ўласныя словы… Хольц, міленькі, прыбяры. напiсала anna 07.07.2002, 18:29
Не паспее ён прыбраць, не пасьпее ён прыбраць, не паспее… напiсаў ХОЛЬЦ МІЛЕНЬКІ 07.07.2002, 19:04
Міленькаму :)) Раману: Я не гаварыла, што гэтая аповесць Пінскай — "пэўнага гатунку". Там неблагія вершы пра Бога, напрыклад. Я проста лічу, што каб пісаць пра закаханых лесбіянак, трэба быць лесбіянкай, альбо хаця б закаханай. А каб пісаць Вашыя любімыя дэтэктывы, трэба быць альбо ментом, альбо забойцай… напiсала anna 07.07.2002, 19:39
Контратака Каб пісаць дэтэктывы трэба быць пісьменнікам, а не ментом ці злачынцам. Неблагіх вершаў пра Бога не існуе, бо ўсе вершы пра Усявышняга невартыя самога Усявышняга, таму - кепскія. Ступень кепскасці і благасці можна вызначаць, а лепш і не вызначаць, бо вершы пра Бога не маюць адносін да мастацтва, яны належаць іншаму сектару чалавечай дзейнасці - рэлігіі. Абраз не карціна, верш пра Бога не верш, а рэлігійны тэкст, які з'яўляецца часткай сабору. напiсаў Дабравест 07.07.2002, 20:09
Я толькі хацела пераключыць Рамана на пісанне дэтэктываў. :)) Сказ пра вершы цалкам іранічны. Варта нагадваць, што меркаваць пра літаратурны твор па маіх постынгах — смешна. Немагчыма за пару віртуальных хвілінаў адзначыць усе перавагі і недахопы твора. Але не хацелася б асуджаць нешта агулам. Я з-за хуткасці раблю столькі арфаграфічных памылак… Не ведаю, як гэта ў Бабкова атрымліваецца — заставацца ў межах мастацтва нават на форумах. напiсала anna 07.07.2002, 21:07
Раман Пінскай, як і раман Бабінай, як і раман Забужкі не раманы, бо ў іх няма каханьня. Раман таму й завецца раманам, што пішацца найперш пра каханьне. Бываюць адхіленьні ад агульнае плыні, але найгоршае з адхіленьняў - імітаваньне пачуцьцяў, спроба продажы селіконава-юрлівых прыгодаў за пакуты пачуцьцяў, што мы й назіраем у раманцах дамачак сярэдняга веку. напiсаў Сяргей 07.07.2002, 21:36
Глобусу Ты так распужаеш усіх людзей з Літары. Глядзі - трафік пайшоў уніз. напiсаў Алесь Аркуш 07.07.2002, 22:26
Сяргею: Дык што калі раман, дык ён павінен быць абавязкова пра каханьне. Быў у мяне грэх, ва ўзросьце гадоў сямі, - чытаць кніжкі пачаў з гадоў пяці, а можа нават і раней, бо вывучаў мову разам са старэйшым на тры гады за мяне братам, - прачытаў раман Сьцяпанава "Порт-Артур". Таўшчэзныя такія два тамы. Дык там пра каханьне нічога ня было, ну, вядома, калі ня лічыць заляцаньняў Вары да Сярожы. Дык што гэта тады было, апавяданьне, эссэ, навэла, аповесьць ці раман? Ганьне: Мы ўжо гэту тэму абмяркоўваліи Калі-б мне Бог даў хаця-б кроплю пісьменьніцкага таленту, то я-б даўно дэтэктывы пісаў. Але мяне Гасподзь абмінуў калі таленты раздаваў. Вось і прыходзіцца каля вас, літаратараў, круціцца, каб хаця-б мову палепшыць. Згодна з Вашай лёгікай Ганна, то пра войска павінны пісаць ваенныя, баявікі ствараць спэцназаўцы, вясковыя раманы - аграномы. Дазвольце тады запытацца - а на храна нам тады пісьменьнікі будуць патрэбны? напiсаў Раман Кардонскі 08.07.2002, 03:08
Hlobusu: Да Hlobusa на Палічцы я зьвяртаўся самабольш двойчы, толькі калі Вы ня Глобус, Глёбус ці Палівач. напiсаў Mesidz 08.07.2002, 07:37
Раману: Ці меў логіку Басё, калі сцвярджаў, што каб апісаць дрэва, трэба быць дрэвам? Вы літаральна разумееце ўсё, а гэта шлях адваротны ад літаратуры, якая трымаецца на метафары. напiсала anna 08.07.2002, 09:12
Дабравесту: А што гэта Вас прабіла гаварыць пра Бога на форуме з назвай "каханне-біфштэкс"? напiсала anna 08.07.2002, 09:15
Hlobusu: Перагдлядзеў зараз тое, што ў мяне засталось на компе ад форумаў Палічкі. Такой фразы не знайшоў. Лістуйце на маю паштовую скрыню- siargiej@mailru.com. напiсаў Mesidz 08.07.2002, 09:21
arkushu: Тэвээлаўцы ў энцыкляпэдыях, "нанканфармізм" і "андэграўнд"- брэнды ТВЛ. Што засталося? Патрапіць у падручнікі, у колькі замежных анталёгій? напiсаў Mesidz 08.07.2002, 09:29
Ганьне: А я чытаў, што здольнасьцю размаўляць з сабой у думках, чытай мысьліць, могуць толькі мужчыны. Падпісана гэтая брашурка была жаночым іменем. Дык што гэта праўда? Здаецца, бздура. "Пытаньне полу"- пазаўчорашняя амэрыканская мода, якую недзе раскапалі рэдактары Arche і грузяць нас цяпер. напiсаў Mesidz 08.07.2002, 09:36
Babkowu: Што трымаў у руках Францішак N- меч ці кол? Шкада, што гэты крытычны праект так хутка завяршыўся. Калі і ёсьць у Беларусі культавы тэкст- гэта НН першых гадоў, пакуль зь яе ўсе не разьбегліся. Ніхто з аскепкаў той газэты так і ня стаў "магічным крышталём", які б адбіваў усё, што нас вабіла ў НН. Францішка N, прынамсі, ніхто не замяніў. напiсаў Mesidz 08.07.2002, 09:40
Праблема феміністак у тым, што яны шукаюць адрозненні. Варта знайсці тое, што збліжае. Праблема Архэ — уяўная паліткарэктнасць. Адсюль феміністкі, геі, хахлы… А чакалі ж л і т а р а т у р у на фінскай паперы ! напiсала anna 08.07.2002, 13:52
Ганьне: Вы ўжо‚ калі ласка‚ выбярые штосьці адно: ці мы тут літартуру творым‚ ці абмяркоўваем літартуру. Калі проста абмяркоўваем то тады можа лепш бяз мэтафар? Штосьці ад Вашай парады мне пісаць дэтэктывы мэтафарамі нават і не патыхае. Я‚ чамусьці‚ перакананы‚ што мы можам тут абмяркоўваць асобны твор‚ - згадзіцеся‚ што рэцэньзія альбо літаратураведчы артыкул зьяўляюцца творам‚ - ці становішча спраў у беларускай літаратуры. Вядома можна карыстацца мэтафарамі. Напрыклад з нагоды выхаду ў сьвет новай кнігі можна вядома мэтафарычна пісаць: "На паверхні нашага балота зьявілася новая бурбалка"‚ хаця мне больш па-духу такое: "Выйшла з друку новая кніга". напiсаў Раман Кардонскі 08.07.2002, 15:22
Выбачаюся‚ але выглядае‚ што чамусьці асобныя літары з майго посьцінгу выпадаюць. напiсаў Раман Кардонскі 08.07.2002, 15:24
Ганьне: Праблема Архэ- гэта агульная праблема. Гадоў пяць-шэсць таму быў бум беларушчыны, столькі творчай моладзі прыйшло- і як зь імі абышлісь? Друкавалі ў Грамафонах-Эпіконах, упіхвалі ў рукі балёнчыкі з фарбай. Яны так і засталісь на той вуліцы. Сэмінары-канфэрэнцыі гэта акупяць? Яны толькі згаўнялі людзей тыя сэмінары, усе перабрахаліся. Гэта вынік таго, што культурнікі прайгралі палітыкам. Мо і ня варта пладзіць багему, абнадзейваць людзей, але каму наканавана патрапіць у секту, у яе патрапіць. Не ў літарацкую, дык у палітычную. Гэтую моладзь проста падарылі фондам, Хабітаніям, Білам Гейцам, правайдэру Белтэлекам, підарам, чорту лысаму. Якая беларуская культурная эліта? Мы фехтавальшчыкі і правакатары. напiсаў Mesidz 08.07.2002, 15:27
Беларусы не кантралююць працэсы, што адбываюцца тут- ня толькі палітычныя, але і культурныя. НН, Архэ- ня больш беларускія, чым НЕман Чайкі. Нам пакінулі толькі магчымасьць перабрэхвацца ў этары, у Павуціньні. напiсаў Mesidz 08.07.2002, 15:37
Nakolki ARCHE bielaruski - heta kaniecnie cikavaje pytannie. Ale jak na jaho mozna adkazvac, kali hety casopis uzo hod (ci kolki uzo??) nie vychodziu. Dynko jaho pachavau?? напiсаў bielarecki 08.07.2002, 16:45
ці беларуская НН… Гм… Знаёмыя мэтастазы. Ці беларускі Пазьняк — татарын з Суботнікаў, ці беларускі Вячорка — сынок члена ЦК або Шупа — унучок паліцэйскага… Жыў, гэбуха. А я думаў, што здох даўно. напiсаў marmon 08.07.2002, 17:02
Раману: Я Вам буду пісаць без метафар. Але наконт дэтэктыву я сур"ёзна. Нават згодная адрэдагаваць. За Вамі веданне матэрыялу. Ступень Вашай бездарнасці альбо таленту вызначыцца пасля напісання. Я таксама нарадзілася бландынкай, а не крытыкам. напiсала anna 08.07.2002, 17:02
Ганне, Мэсіджу й інш. Пачынаем пісаць сэткавы "дэтэктыў" для Рамана (вось ужо дзе адыграемся :). Дзеля гэтага ствараем асобны форум. Агульны "сюжэт". У Менску малады хлапец. Верыць у прагрэс, у дэмакратыю, у Беларушчыну (у вэрсыі АГП-БНФ). Працуе ў адным з фондаў (фірмаў). Зь ім пачынаюць адбывацца невытлумачальныя здарэньні (маленечкія, драбнюткія), але якія псуюць яму ў наступствах кар"еру, справы, асабістае жыцьцё… Навакольле пачынае ў ім крыху сумнявацца… Напачатку ён лічыць, што ўсё выпадкова. Спрабуе гераічна перадольваць. Надта ўжо ўсё неяк драбязгова… Потым, праз пэўны час, ён пачынае адчуваць, што хтосьці "скіроўвае" яго па рэчаіснасьці такімі "тонкімі" крокамі. Азіраецца і сочыць. Ёсьць нейкі "загавар" - супроць яго. Абазнаецца з тэорыямі загавару. Пачынае ўважлівей ставіцца да рэчаіснасьці. Абнаружвае між іншым некалькі "змоваў" але ня тых, якія яму патрэбныя. Шукае нітачкі. Праз пэўны час разумее, што адзіная нітачка вядзе за акіян, дзе ў сваім Бостанскім асабняку жыве стары й паважаны сыстэмны аналітык Кардонскі. Разумее, што гэта Кардонскі таемна скіроўвае яго на нейкі шлях. Але на які? Шукае Кардонскага. Адрэса аказваецца фіктыўнай. Усе пра яго нешта чулі, але нічога дакладнага… … Раман можа называцца "Тэорыя змовы". напiсаў Ігар Бабкоў 08.07.2002, 18:01
Калі Кардонскі запратэстуе супроць скарыстаньня ягоная прозьвішча, можна Закардонскі. напiсаў Ігар Бабкоў 08.07.2002, 18:05
marmonu: І сам ня ведаю, навошта тармашу стомленных людзей. babkowu: А дзе той форум? напiсаў Mesidz 08.07.2002, 18:44
Tolki ZAkardonski! Abaviazkova. напiсаў bielarecki 08.07.2002, 19:17
Бабкову: Калі Вам так жадаецца можаце выкарыстаць маё ймя‚ прозьвішча‚ адрас і тэлефон. Абы толькі дэтэктыў быў. Намалюйце мяне гэткім злыдням‚ абы толькі кнігу было цікава чытаць. Канву сюжэту‚ які Вы прапануеце‚ крыху на дэтэктыў не лягае‚ хутчэй на нейкую містыку ці фэнтэзі. А так‚ апрача гэтага‚ уперад хлопцы й дзяўчаты! напiсаў Раман Кардонскі 08.07.2002, 19:43
У гэтай дэтэктыўнай гісторыі можа фігураваць кніга. Прапаную дзёньнік Багдановіча. Хлопец марыць яго прачытаць, але росшукі дзёньніка дарэмны. Знаёмыя філёлягі даюць супярэчлівыя адказы, канцоў не знайсьці. У публічнай бібліятэцы яму трапляецца зачытаны да дзірак:) "Ківач Фуко". Тут ён і пачынае "ўважліва ставіцца да рэчаіснасьці", уражаны тэорыямі змовы ў выкладзе Эко. Кніга цьмяная, заблытаная, чытаецца цяжка, да таго ж яна рассыпаецца прама ў руках, старонкі дзе-нідзе пераблыталісь. Ён не адразу заўважае, што чытае два розных тэкста, уважаючы за filename Бельбо дзёньнікавыя запісы нейкага Максіма. Уцяміўшы памылку, хлопец пачынае аналізаваць сытуацыю і прыходзіць да высновы/ спрэчнай, на маю думку/, што гэты тэкст і ёсьць дзёньнікам Багдановіча. Дзёньнік ніколі не друкаваўся, нават філёлягі няўпэўнены ў ягоным існаваньні- і хлопец вырашае, што ён нічым ня горш за Шолахава ды можа скарыстаць сытуацыю на сваю карысьць. Неабачлівы юнак, далёкі ад эканамічных рэалій, нічога лепшага прыдумаць ня можа, як толькі паступова выкладаць дзёньнікавыя запісы М. у Сеціве, зьмяніўшы трохі дэкарацыі ды ўстаўляючы імёны сваіх знаёмых. Для гэтай мэты ён стварае ўласны блог/ прыватны сеткавы часопіс/. Пляны ў хлопца аграмадныя- ён разьлічвае падняцца на банэрных паказах адпаведнай ХХХ тэматыкі. Каб абслугоўваць сайт, ён застаецца да познай начы на сваёй фірме/ у фондзе/. Сямья ды каханка закінуты. У вялікай змрочнай будыніне гарыць у начы толькі адно акно. Жалюзі ледзь прыкрытыя… Незабавам у праекта зьяўляецца кола віртуальных прыхільнікаў-заўсёднікаў, сярод якіх вылучаецца сваёй сармацкай натурай хтосьці Закардонскі. Хлопец так забаўлены новай цацкай, што ня дужа зважае на дробныя непрыемнасьці, якія пачынаюць узьнікаць на ягонай працы ды ў сямье… напiсаў Mesidz 08.07.2002, 21:27
Mesidz! Супэр! Фантастыка! Гэта ТАК падобна да таго, над чым я думаў апошнія месяцы! Гэта паралельны сусьвет! Можна я ў свой блог гэта запосьцю? напiсаў rydel 08.07.2002, 21:57
Ну дык, чый сцэнар будзем зацьвярджаць? напiсаў Алесь Аркуш 08.07.2002, 22:12
Мэсіджу "Тэвээлаўцы ў энцыкляпэдыях, "нанканфармізм" і "андэграўнд"- брэнды ТВЛ. Што засталося? Патрапіць у падручнікі, у колькі замежных анталёгій?" І з гэтым ты спазьніўся. У падручніках ужо ёсьць. Праўда, Варшаўскага ўнівэрсытэту. Вось цытата з пазаўчорашняга ліста сп-ні Надзеі Панасюк, выкладчыцы той навучальнай установы: "бадай 5 год у праграме заняткаў па сучаснай беларускай літаратуры знаходзіцца таксама творчасьць пісьменьнікаў ТВЛ…" Па творах Мудрова пішуць сачыненьні. Сфармулюй нейкія іншыя задачы. напiсаў Алесь Аркуш 08.07.2002, 22:49
Не, хлопцы й дзяўчаткі, ня дэтэктыў у вас атрымліваецца, а каша-размазьня. Вось хаця-б такі паварор прыдумалі, што як толькі хлапец усьвядоміў, што мае ў руках дзёньнік Максіма, як у яго яго крадуць. А далей ўжо пачынаецца пошук скрадзенага дзёньніка. Які ў рэшце-рэшт трапляе ў брудныя рукі… Ну, хто далей? напiсаў Раман Кардонскі 09.07.2002, 03:48
Ганьне: Апошні нумар "Архэ", які я атрымаў, гэта быў нумар шосты за 2001 год. Можаце мне сказаць ці выходзіў "Архэ" пасьля таго нумару? Бо я чуў, што сёлета ня выйшла ніводнага нумару. напiсаў Раман Кардонскі 09.07.2002, 03:52
Мэсіджу: Чакаю працягу. Раману: Ніхто Вам не замінае ствараць с в а ю версію. Гэта ж Сеціва, і ніхто не будзе "зацвярджаць сцэнар". напiсала anna 12.07.2002, 06:38
Асабіста мяне праблема скрадзенага лёсу хвалюе больш, чым сэжэт пра скрадзеную кнігу. напiсала anna 12.07.2002, 07:06
Прачытаў Ваш‚ Ганна‚ посьцінг і паўстаў перад вачыма вобраз маладой‚ прыгожак дзяўчыны‚ блёнд-валасы рассыпаны ў беспарадку‚ вочы поўныя сьлёз‚ з грудзей рвецца усхліп-плач па скрадзенаму лёсу. Сымвалічны вобраз… Вобраз нашай роднай літаратуры. На Драніках калісьці ці не Манкурт пісаў‚ што якая літаратура - такі-ж і народ. Цяпер я разумею‚ чаму ў нас людзі такія‚ што аб іх можна ногі выціртаць‚ іспражняцца‚ выбачаюся‚ ім на галаву. І толькі адзінае‚ на што здатныя гэта плакаць аб "скрадзеным" лёсе. А запытацца канкрэтна: "А хто-ж‚ братка-беларус‚ твой лёс скраў?" Дык і не адкажа. Я магу зразумець там Вішнёва‚ Бабкова… Але Вас‚ Ганна‚ ніяк не магу зразумець. Як жанчыне Вам-жа хочацца мець побач партнэра-мужчыну‚ гаспадара свайго лёсу‚ а ня нейкага размазьню-бясхрыбетніка. Так» І чаму нам увесь час навязваюць нейкіх паўдуркаў у якасьці "гэроя напiсаў Раман Кардонскі 12.07.2002, 15:11
Выбачаюся‚ рукі крывыя сёньня - пятніца‚ справа сьвятая. Працягваю: нашага часу" нейкага амёбаабразную асобу сярэдняга полу. Дзе мужчыны пераможцы? Дзе ракавыя жанчыны? Дзе прыклады для моладзі‚ нарэшце. Цяпер я разумею чаму "Хольц міленькі" назваў свой партал "Дзед Талаш"… Як-жа‚ апошні мужчына-гэрой у нашай літаратуры… напiсаў Раман Кардонскі 12.07.2002, 15:17
Дзе? Дзе? Разьдзекаўся Раман-заакіянскі. Тут Я — мужык-беларус — у Менску, на плошчы Перамогі! напiсаў Мужык 12.07.2002, 22:01
Мужыку: І што тым‚ на плошчы‚ робіш? Чаму ў краіне парадку няма? напiсаў Раман Кардонскі 12.07.2002, 22:04
Ганьне Дык што ўсё ж такі каханьне (у параўнаньні зь біфштэкстам)? напiсаў Ігар Бабкоў 13.07.2002, 01:01
Усім: Хто гэты янкі? Тое, што ён Раман, могуць паручыцца Сагановіч‚ Юрэвіч‚ Арлоў ды Навумчык. Хто паручыцца, што ён мужчына? напiсаў Mesidz 13.07.2002, 02:00
Для тых, хто паручыцца, мая паштовая скрыня- siargiej@mailru.com напiсаў Mesidz 13.07.2002, 02:07
Ганьне: Ствараць раман будзьма разам. напiсаў Mesidz 13.07.2002, 02:48
Але на іншым сайце. Падрыхтоўка ідзе поўным ходам. Чакайце абвестку. напiсаў Алесь Аркуш 13.07.2002, 09:22
Аркушу: І доўга чакаць? напiсаў Раман Кардонскі 13.07.2002, 11:36
Хлопцы й дзяўчаты, хто кіне мне, няпісьменнаму, лінк на сайт дзе ёсьць дэшыфроўка "смайлікаў"? напiсаў Раман Кардонскі 13.07.2002, 11:39
Раману Парадак у краіне ёсць. Толькі не твой парадак, а мой. Бо краіна мая, а не твая. А на плошчы Перамогі я перамагаю інтэлектуальна. Жыву я на плошчы Перамогі. напiсаў Мужык 13.07.2002, 12:26
Мужыку: Ты, Мужык, прабач мяне за рэзкае слова. Мы, эмігранты, наогул хлопцы рэзкія, бо іншыя тут ня выжываюць. Але дазволь спытацца з усёй беларускай праматой: "Ці можна лічыць парадкам засцаныя й засраныя пад'ёзды, дамы, вёскі, мястэчкі, гарады?" Выбачаюся ў пекных жанчын за выкарыстаньне ненарматыўнай лексыкі. напiсаў Раман Кардонскі 13.07.2002, 13:30
Мэсіджу: Хіба Вы не зразумелі: я муза, а не творца? напiсала anna 13.07.2002, 13:36
Раману: У мяне прэтэнзій да мужчын няма. Побач са мной нават беларусы цвярдзеюць.:)) напiсала anna 13.07.2002, 13:38
Ігару: Каханне, як і Ваша Каралеўства Беларусь, "…нельга назваць. Можна толькі стацца часткай гэтай канфігурацыі." напiсала anna 13.07.2002, 13:42
= Раману Пытаньне не да мяне, а да нашага вэб-майстра. Але, спадзяюся, неўзабаве. Гэта будзе вельмі крута, шэсьць кампоў ТВЛ б'юць капытамі. напiсаў Алесь Аркуш 13.07.2002, 14:41
Кардонскаму Калі ты ў нешта ўступіў, дык сам і выцірайся.Гэта ў нас хліпкія не выжываюць, бягуць-чэшуць за доўгім далярам, за булкай з какалетай. А сярод англа-сраксаў белупырхлікі — істоты трэцяга гатунку, факт.Калі хто толькі паспрабуе нарабіць у маім пад'ездзе ці на маёй плошчы Перамогі, дык гэта і зжарэ. Мы беларусы — мірныя людзі, але бэсціць сябе не дамо, і за дзеўкамі нашымі рознай навалачы цягацца забаронім. напiсаў Мужык 13.07.2002, 17:19
Мужыку: Ну наконт "англа-сраксаў" я не скажу. Такая нацыя мне наогул невядомая. Ну шэры, я шэры… Але што беларус па прозьвішчу Кардонскі меў, - бо зараз іх усіх паскарачалі ў сувязі з цяжкім эканамічным становішчам кампаніі, - у падпарадкаваньні амэрыканцаў, адзін зь якіх, нават ганарыўся што ягоныя продкі на "Мэйфлаўэр" сюды прыплылі, дык гэта агульнавядомы факт. А ці трэба мне спасылацца на іншага беларуса, па прозьвішчу, Ганько які быў, дырэктарам мэталаапрацоўчага заводу буйной кампаніі. Ці варта працягваць пералік? Ну а пра сяброў амэрыканцаў і канадыйцаў, ці варта наогул пісаць? А як-жа йнакш мы можам папулярызаваць беларускую культуру тут, у ЗША? напiсаў Раман Кардонскі 13.07.2002, 22:40
Ганьне: Ну дык побач такой прыгожай дзяўчынкі-бляндынкі, вядома мужчыны цьвярдзеюць, хтосьці ўвесь, хтосьці толькі часткай… Толькі бяз крыўд, добра? І я, шчыра, падкрэсьліваю: ШЧЫРА! за Вас рады. Але я рэч павёў пра адсутнасьць у белліту вобраза мужчыны-гэроя, мужчыны-пераможцы. Маюцца на ўвазе ня ложкавага пераможцы, а Пераможцы. Быў-бы вельмі ўдзячны калі-б хтосьці мне паказаў такога. Вунь Аркуш здолеў-жа пераканаць, што ёсьць, прынамсі былі, у Беларусі дэтэктывы. напiсаў Раман Кардонскі 13.07.2002, 22:49
Аркушу: Спадзяюся, што гэта будзе дэтэктыў. Можа-б і я тады свае тры капейкі ўставіў-бы… напiсаў Раман Кардонскі 13.07.2002, 22:52
Ганьне, Бабкову, Раману, Аркушу: Лазіў учора ў пошуках інфармацыі аб сецературы. Вынік прадчуваў, зрэшты, за колькі дзён да таго, калі перачытваў "Ківач Фуко". Рэзюмэ пошуку ўкладаецца ў адну фразу: твор сецературы- інтэрактыўная гульня, пэрсанажы і аўтары якой нітуюцца. Гучыць пагражальна, але цалкам у духу беларускага авантурызму. Айчынным маніхвэстам сецературы прапаную ўважаць верш В. Рыч "Рэцэпт цуда", а самым прадстаўнічым праектам- Беларусь/ у іншых варыянтах сустракаюцца таксама назвы Каралеўства Беларусь, РБ, Крыўя, Літва…/ Праект настолькі маштабны, што ў ім задзейнічаны нават музы ўлучна з усім алімпам. Адна з самых апошніх галінак гэтага гіпэртэксту сапраўды выдае, на першы позірк, на ДЭТЭКТЫЎ. Прынамсі, усё пачалось, калі скралі сэрвэр "Беларускай палічкі" з базай форумаў… напiсаў Mesidz 14.07.2002, 10:03
Раману Першы беларускі сецевы раман будуць пісаць 3-4 аўтары, без якіх-кольвечы памагатых. Бо атрымаецца гэткая ж гісторыя, як з Ігаравым форумам пра вецер з Усходу. Вельмі хутка ўсё сыйшло ў пясок банальнасьці, пайшло не па тых умоўна-асацыятыўных тропах. А ў аўтары запрошаны "зоркі" і культавыя постаці белнэту, напрыклад, Мэсідж. напiсаў Алесь Аркуш 14.07.2002, 12:17
Мэсіджу: Галоўнае, на мой погляд, каб Аркуш зьдзейсьніў сваю пагрозу й сецевы раман зьявіўся. Усё іншае гэта дэталі… Аркушу: Вельмі добра, што колькасьць аўтараў будзе абмежаванай. Бо йнакш працэс напісаньня зацягнуўся-б да бясконцасьці. Ці можна даведацца згодна зь якімі крытэрыямі падбіраліся аўтары? напiсаў Раман Кардонскі 14.07.2002, 13:36
Аркушу: Хто б мог падумаць, што ў майго байранічнага швэдара будзе такі шалёны, культавы, адным словам, посьпеш. Не сярдуйце, хочаце, я яго Вам падару? напiсаў Mesidz 14.07.2002, 13:52
Дарэчы, а чаму "сецература"? Здаецца, паўсюдна ў бэлнэце ўжываецца "сеціратура". Вы гэтым сябе выкрылі, дарэчы. Бо я ўзгадаў, дзе яшчэ я бачыў аднойчы "сецературу". Я ніколі раней не задумваўся, чаму празь "і", але думаю таму, што ўтвараецца ад множнага ліку "сеці" (networks). Натуральна, магу абмыляцца. напiсаў rydel 14.07.2002, 13:54
"Сецература", бо гэта калька з расейскай. напiсаў Mesidz 14.07.2002, 14:27
Натуральна, таксама магу памыляцца. напiсаў Mesidz 14.07.2002, 14:30
памылялася я — калі думала, што Сеціва адпачатку дэмакратычнае. А тут рэалізуецца "Тэорыя змовы" — гэтага возьмем, а гэтага не. напiсала anna 14.07.2002, 14:40
І што гэта за швэдэр такі? У спёку само слова непрыемна чытаць… Дайце спасылку —буду глядзець , запіваючы сокам з лядоўні… напiсала anna 14.07.2002, 14:46
Ганне: Ня змова, а парадак. А на форуме можна будзе пісаць усім і неабмежавана. напiсаў Алесь Аркуш 14.07.2002, 19:05
Раману: Калі пачынаецца сур'ёзны праект, прадзюсары шукаюць вартых (папулярных, таленавітых, "зорных") выканаўцаў галоўных роляў. Вы можаце сабе ўявіць галівудзкі праект без "зорак"? Таму абяцаю - "зоркі" будуць. Ня Гібсаны, Сігалы, Сталоны і Мікі Руры, а свае - айчынныя. Ганне: Ты можаш таксама скласьці каманду - дадзім і вам магчымасьць заняцца сецевай раманіядай. напiсаў Алесь Аркуш 14.07.2002, 20:10
Аркушу: Мне адзін раз прыйшлося перасекчыся з адной мясцовай зоркай. Меў магчымасьць амаль тры гадзіны паразмаўляць. Дык вось, шчыра кажучы, калі-б такая зорка села-б пісаць раман, я-б сма першы пяро з рук адабраў-бы, ды для надзейнасьці ручкі-б гэтыя паламаў, каб не цянуліся за тым пяром… А ў Вас хіба ня было такіх сытуацый? Калі не, то вельмі Вам зайздрошчу… Ганьне: Аркуш, ІМХО, мае права набіраць у каманду тых, хто яму падабаецца, хто будзе працаваць у камандзе. Ён - мэнэджэр праекту й набірае таго, хто лепш адпавядае справе. Я дык не пакрыўдзіўся, што мяне адкінулі. Бо на ягоным месцы зрабіў-бы дакладна таксама. Дый рабіў ужо не раз, праўда на працы. напiсаў Раман Кардонскі 15.07.2002, 01:54
Аркушу: Дарэчы, а хто менавіта прычыніўся, на Ваш погляд, да таго, што "вельмі хутка ўсё сыйшло ў пясок банальнасьці, пайшло не па тых умоўна-асацыятыўных тропах"? (с) А. Аркуш напiсаў Раман Кардонскі 15.07.2002, 02:03
Банальнасьць мае харызму. Тое, што ўдае на аксыёму, заўжды будзе мець харызму. Пачатак форуму "Культавая кніга"- проста клясыка ў гэтым сэнсе, але Выдавец ня вытрымаў лініі, і яго панесла ў паэзію. Ганьньне: Мурынам халодна нават у швэдары. напiсаў Mesidz 15.07.2002, 07:15
Гань-нь-не- выпадкова атрымалася, адмыслова не прыдумаў бы. напiсаў Mesidz 15.07.2002, 07:19
Раману: "Зоркі" нашыя правераныя, і пяро трымаць умеюць. Мэсідж мае рацыю. Пра форумы, якія сыходзяць у пясок. Можна патлумачыць інакш. Любая справа патрабуе парадку, сыстэмы і адказнасьці. А тым больш такая справа, як напісаньне раману. Мне падаецца, што 4 чалавекі - аптымальны склад аўтараў. Таму ўсіх жадаючых не задаволіш. Ды й не забіраем мы ні ў кога тае магчымасьці - пісаць у сецеве раманы. Інэт вялікі, а нашыя з вамі творчыя памкненьні бязьмежныя. напiсаў Алесь Аркуш 15.07.2002, 08:53
Na forumach praudu sukac - heta jak u 19-m stahodzdzi "u narod chadzic". Nie piersaje, nie druhoje plonu nie dajuc. Badziannie pa forumach - heta chvaroba. A cakannie vynikau z forumnych sprecak - heta uzo klinika. Ja dumaju, luby forum, jaki maje bols, cym 20 dopisau, heta uzo sucelny off-topic. напiсаў bielarecki 15.07.2002, 10:34
Вынік- гэта, калі нехта клікне па банэру? Каб быў вынік, фармулюйце задачу, і форумы стануць для Вас рэкруцкім пунктам. напiсаў Mesidz 15.07.2002, 12:39
Vyniki - u dadzienym vypadku zusim nie kliki pa banerach. Nu, napryklad, posuk "kultavaj knihi" niechta rabiu z dapamohaj forumu knihi.com. Majo pytannie: na sto jon spadziavausia? напiсаў bielarecki 15.07.2002, 16:43
Беларэцкаму: На форуме Бабкова пра вецер з Усходу зараз 16 допісаў. Адзін зь якіх двайны. Дык? Аркушу: Параўнаньне форума Выдаўца-Глёбуса пра культавую кнігу на "Палічцы" й Бабкова пра вецер тут лічу некарэктным. Бо Глёбус адразу запрасіў усіх да размовы. Вось і палезьлі ўсе. Мне нават ад яго дасталася за тое‚ што сапсаваў форум. А Бабкоў запрасіў на форум сааўтараў. А вынік быў нават не на карысьць Бабкова‚ бо форум "сыйшоў у пясок банальнасьці". Вось давайце паспрабуем зразумець чаму. Пытаньне зусім не такое простае. Вашае меркаваньне было-б цікавым‚ як меркаваньне Бабкова й Глёбуса. напiсаў Раман Кардонскі 15.07.2002, 17:02
Раману: Ніякія форумы я не параўноўваў, штосьці блытаеце. Я казаў толькі, што форумы ня тое места, на якіх можна займацца калектыўным напісаньнем мастацкага тэксту. Увогуле, пагаджаюся з Беларэцкім: форумы прыдатныя толькі для баўленьня часу. Выключеньнем, бадай, з'яўляўся форум "Гліняны Вялес", калі прымаліся любыя прапановы і браліся пад увагу любые камэнтары. Але гэта хутчэй было апытаньне. напiсаў Алесь Аркуш 15.07.2002, 21:56
Ведаеце, я яшчэ на Палічцы марыла пра ціхі закуток, дзе можна было б гаварыць з мілымі розуму людзьмі, прынамсі, з тымі, каму не трэба тлумачыць сутнасць маіх слоў і перапрашаць —соры, я не пра гэта, я пра тое… Гэта што — ў прынцыпе на форумах не магчыма? Ці трэба выстаўляць нейкія спецыяльныя смайлы — "чужаніцам уваход забаронены"… напiсала anna 15.07.2002, 23:00
У мяне крыўды няма — я прынцыпова не камандны чалавек. напiсала anna 15.07.2002, 23:11
Аркушу: Я-ж нідзе ня пісаў‚ што Вы параўновывалі форумы. Гэта я напісаў у адказ на допісы Мэсіджа й Беларэцкага. Выбачаюся‚ што напісаў незразумела. Я хацеў‚ каб Вы выказалі сваё меркаваньне наконт таго‚ чаму здох форум Бабкова пра вецер з усходу. Лічыце‚ што гэта ў мяне мянтоўскае‚ атрымаць вынікі ўскрыцьця‚ каб даведацца прычыну сьмерці. А шкада той форум. Так цікава пачыналі. Дарэчы я з Вамі і згодны‚ і ня згодны. Згодны з тым‚ што форум ня месца‚ "на якім можна займацца калектыўным напісаньнем мастацкага тэксту". Але ня згодны‚ што гэта толькі месца для баўленьня часу ці гэткі апытальнік‚ як для ГВ. Я ведаю колькі прыкладаў‚ калі як вынік дыскусіі нараджаліся зусім канкрэтныя праекты. Для мяне‚ гэта хутчэй‚ месца дзе можна спаткаць адзінадумцаў‚ можна дамовіцца нешта практычнае зрабіць супольна. Ганьне: Калі "Хольц міленькі" пагодзіцца‚ то Вы можаце стварыць форум на які акрамя тых каго Вы запросіце‚ ніхто больш пісаць ня будзе. Бо заўсёды знойдуцца усякія "раманы"‚ якія нарушаць цноту вашых‚ літаратараў‚ разважаньняў пра высокае й вечнае… Цікава‚ ці з усімі суседзямі па леснічнай пляцоўцы Вы знайшлі супольную мову‚ што яны Вас разумеюць з полуслова? напiсаў Раман Кардонскі 15.07.2002, 23:23
Раману: Я Вас расчарую, але прызнаюся… Я дарослая, дынамічная, кантактная, тусовачная, трохі агрэсіўная, не наіўная… Не думаю, што ў гэтай краіне нехта смяецца болей, чым я.. З сусядзямі ў мяне толькі адна праблема — іх многа. напiсала anna 15.07.2002, 23:52
Ганьне: А я хіба дзесьці абмяркоўваў рысы Вашага характару? Здаецца адно пісаў толькі‚ што прыгожая й разумная бляндынка. А вось наконт суседзяў… Адносна недалёка ад мяне жыве ў хаце суседка-пэнсыянэрка. мужык колькі год як памёр‚ вось і жыве адна. Іншыя суседзі на адносна вялікай адлегласьці. Дык паверце з майго ўласнага досьведу нават адзін сусед ці суседка гэта ўжо зашмат. напiсаў Раман Кардонскі 16.07.2002, 00:00
Я прынцэса, якая сама мые пад"езд, калі ён брудны, ставіць кветкі на вокны, і нават не лаецца з суседзямі, калі яны гэтыя кветкі з пад"езду крадуць… Для Вас я Ганна, для іх Анечка. А што да асобнага форуму, то мне хапіла вопыту Бабкова… Ці не заўважалі Вы, што мяне няма на форумах "мой народ" і "дэтэктыў"? Я не разумею, пра што там гавораць, і не ўступаю у гутарку. І перастаньце ўсё ўспрымаць на свой конт… напiсала anna 16.07.2002, 00:03
А пра вечнае — я яшчэ і не пачынала… напiсала anna 16.07.2002, 00:05
Ганьне: Я наогул нічога ня ўспрымаю‚ тым больш на свой уласны конт‚ але пісалі Вы менавіта мне‚ вось і адказаў‚ ня стрымаўся. У міжчасе чакаю на пачатак "пра вечнае"… напiсаў Раман Кардонскі 16.07.2002, 00:11
Раману: Вам — толькі пра суседзяў. Пра "партнёраў" мы здаецца адгаварылі… напiсала anna 16.07.2002, 00:19
Ну, дык… Пра "партнёраў" мы, здаецца, нават і словам не абмовіліся. Хіба я прызнаўся, што жанаты. Але кінем гэта. Бо што такое "партнэры" ў параўнаньні зь вечным… Дарэчы, а што ёсьць вечным для пісьменьніка? напiсаў Раман Кардонскі 16.07.2002, 02:19
Раману: Пра партнёраў загаварылі Вы, калі ў сваім постынгу панеслі на беларусаў- мужчын… Але Ваша звычка забываць, пра што пыталіся, адбівае ахвоту гаварыць… напiсала anna 16.07.2002, 03:42
Раману Вы так ставіцеся да форумаў, бо маеце патрэбу ў зносінах - можа з радзімаю, можа зь мінулым, можа з цікавымі людзьмі. У мяне такой патрэбы няма. Для зносінаў выкарыстоўваю асабістыя сустрэчы і гутаркі па тэлефоне. А справы я раблю выключна з сябрамі, якіх у мяне дастаткова. Вось учора ўвечары міла пагутарылі з Гуменюком, абмяркоўвалі справы новага нумару "Правінцыі", часопіс затрымліваецца, але Алік Максімюк абяцае, што праз месяц выйдзе. Амаль штодзень нешта абмяркоўваю з Мудровым і Шыдлоўскім. На прамой сувязі Сідарук, Вашко. Хапае сяброў і па-за межамі ТВЛу. А наконт Ігаравага форуму. Гэта трэба спытаць у яго. Магчыма разбуральны дысананс сваім постынгам унёс я, бо не магу ўжо чуць, пра маскальскія падкопы. Самі нічога ня робяць, а ўсё спісваюць на маскалей. І плачуць і плачуць… Можаце зрабіць экспэрымэнт: зрабіце форум на "Дзедзе Талашы", каб у назьве было слова Расея. І пабачыце. А гэта сьведчыць пра нацыянальны коплекс, комплекс труса перад пітонам. напiсаў Алесь Аркуш 16.07.2002, 09:59
Раману Вы ўсё пішаце, што імнецеся зразумець, у чым сутнасьць беларускай праблемы. А сутнасьць у тым, што мы ня маем добрага мэнэджмэнту. І ў палітыцы, і ў культуры. Возьмем літаратуру. Ці не самай цікавай нефармальнай літаратурнай суполкай у Менску я лічу, назавем яе так, Сябрыну Натальлі Кучмель. Гэта Галіна Дубянецкая, Віктар Сьлінко, Усевалад Гарачка і г.д. Але гэтая суполка ня мае сваіх Вішнёва, Барысевіча і Акудовіча. І таму пра яе ніхто нічога ня ведае. Я думаю, некаму - больш дасьведчанаму, чым я - трэба напісаць для Літары тэкст-прамоцыю пра Сябрыну, і гэткім чынам яе "легалізаваць" - увесьці ў кантэкст сучаснага беларукага літ. працэсу. напiсаў Алесь Аркуш 16.07.2002, 10:47
arkush —> Раману "Вы так ставіцеся да форумаў, бо маеце патрэбу ў зносінах - можа з радзімаю, можа зь мінулым, можа з цікавымі людзьмі. У мяне такой патрэбы няма." І што? Так, ёсьць людзі, у якіх вельмі вялікая прага зь кімсьці пагутарыць. Было б добра каб - па беларуску. Вось яны й шукаюць, дзе зь кім можна перакінуцца. Чатаў беларускіх амаль няма. Былі форумы на Палічцы, чакаем калі адкрыюцца зноў. Вось Літара зьявілася. Да гэтуль назіраю, намагаюся зразумець, што гэта, нашто, дзеля чаго. Але баюся, што гэтае месца станецца тусоўкаю "для выбранных", пляцовачка, дзе сустракаюцца толькі "свае". Разумею, што асноўная тэма ўсяго тут - літаратура, і літ.навакольле. Разумею, што філёзафу з тэхнікам цяжка размаўляць, як і наадварот. Але нешта ёсьць наконт элітарнасьці і/ці андэрграўндасьці. Пачакаю, паназіраю. напiсаў Зьмiцер Лапцёнак 16.07.2002, 11:25
Ганьне: Я пісаў пра адсутнасьць вобразу мужчыны-гэроя‚ мужчыны-пераможца‚ ня ложачнага пераможца. Цытую зноў сябе‚ любімага. На мужчын-беларускіх у агуле я ня нёс‚ бо‚ як ні кажы‚ сам-жа да іх належу. напiсаў Раман Кардонскі 16.07.2002, 14:59
Аркушу: Мяне‚ бязумоўна‚ цікавяць цікавыя людзі‚ магчымасьць зносінаў зь імі. Ад адсутнасьці зносінаў я не пакутую‚ калі шчыра. Бо кожны вечар па гадзіне‚ а то й дзьве прыходзіцца толькі сваё мыла пераглядаць. Як Вы‚ магчыма‚ заўважылі ў сябры да нікога я не набіваўся. Дый пасябраваць са мной цяжка‚ бо я ў сяброўстве чалавек вельмі патрабавальны. А вось наконт сутнасьці праблем беларускай літаратуры‚ гэта Вы трапна трапілі. Справа ня ў тым‚ што ў мяне ёсьць нейкі рацэпт лекаваньня гэтых праблемаў. Хаця такія-сякія думкі ёсьць. Справа ў тым‚ што‚ калі бяз асаблівай сьціпласьці‚ як адзін зь лідараў беларускай дыяспары я намагаюся зразумець‚ - ня зусім дакладнае слова‚ - ролю нашае дыяспары ў агульнабеларускім культурным працэсе. Ёсьць у нас пэўныя напрацоўкі ў гэтым кірунку. Проста хочацца каб не атрымалася як у той прымаўцы: "хто ў лес‚ хто па дровы". напiсаў Раман Кардонскі 16.07.2002, 15:14
ЗьміЛу: Магчыма я памыляюся‚ але месцаў для зносінаў паміж беларусамі ў Сеціве больш чым дастаткова: Дранікі‚ Дзед Талаш‚ Хартыя… Задача Літары ў тым каб абмяркоўваць усё зьвязанае зь беларускай літаратурай. Гэта‚ на мой погляд‚ дзе тварам у твар спатыкаюцца літаратары і іхныя чытачы. Часамі няўклюдна‚ як гэта ў мяне часьцей бывае‚ мы маем магчымасьць данесьці ім‚ на іхны Алімп‚ сваі меркаваньні‚ думкі‚ спадзяваньні. На жаль вельмі часта‚ мы нічога ня чуем у адказ. Тыя-ж Аркуш‚ Глёбус‚ Кісьліцына‚ Бабкоў гэта хутчэй выключэньне. Але таму нашмат больш я‚ асабіста‚ іх шаную‚ хаця вельмі часта ў спрэчках скрэшчываю зь імі дзіды. Але каб ты‚ Зьміцер‚ ведаў як не хапае тут нармальных‚ неабыякавых чытачоў. Вунь лічы колькі нас тут‚ чытачоў: ты‚ Уладзя Каткоўскі ды я. Адным словам‚ застаючыся гарачым сябрам Беларускай Палічкі й па-ранейшаму рыхтуючы на яе кнігі‚ буду ўсялякім чынам агітаваць каб як мага больш неабыякавых беларусаў-чытачоў сталіся сталымі наведвальнікамі Літары. Праект малады‚ ён яшчэ намагаецца знайсьці нейкія свае‚ асабістыя формы‚ нейкую незанятую пляцоўку ў байнэце. Але ўжо першыя вынікі‚ артыкулы‚ тэорыя‚ гэтыя форумы мне спадабалася. Хацелася-б каб аднаўленьні былі часьцей‚ больш зьяўлялася рэцэнзій на новыя кнігі‚ проста артыкулаў пра літаратуру. Можа‚ глядзіш‚ дачакаемся і таго‚ што кожны беларускі літаратар будзе лічыць для сябе гонарам‚ калі ён будзе ў ліку аўтараў на Палічцы. А "Хольцу міленькаму" ды Алісе хочацца пажадаць‚ каб клікнуўшы на ймя літаратара можна было атрымаць больш дакладную інфармацыю‚ улучна зь біблія- ды сецеграфію. напiсаў Раман Кардонскі 16.07.2002, 15:37
Зьміцеру Чаму вы пішаце, што Літара для выбраных? Хто можа забараніць пісаць на гэтых форумах канкрэтна вам? Проста на спэцыяльная сайты, якім зьяўляецца Літара, ходзяць адмыслоўцы, каму праблематыка інтэрнэт-рэсурса цікавая, у нашым выпадку - беларуская літаратура. Гэта досыць абмежаванае кола людзей. Хочаце прагноз? Гэтых людзей напрыканцы сёлетняга году або напачатку наступнага значна паболее. Вы заўважылі, што тут няма сяброў СП. Для іх Інтэрнэт яшчэ нейкая дзівота, большасьць зь іх ніколі ў жыцьці не сядзела за кампутарам. Хутка яны ачухаюцца ад той паразы, якую атрымалі павясьне, і пойдуць у інтэрнэт-кавярні. Бо ісьці ім больш няма куды. А тых інтэрнэт-клюбаў ужо паўсюль. Вось тады і пачнецца самае цікавае, бо на форумах пальецца такая інфа, даведаецеся столькі таямніцаў! А на той час літаратурны белнэт ужо будзе гатовы іх сустрэць. Бо ня сьпім - будуемся. напiсаў Алесь Аркуш 16.07.2002, 16:16
Папраўка: Хацеў сказаць: "у ліку аўтараў на Літары". напiсаў Раман Кардонскі 16.07.2002, 16:21
Алесь, Глобус — сябра СП, і я… Пра тых, хто пад мянушкамі не ведаю, але не бачу залежнасці…Вось я магу дакладна прадказаць, што мяне ў хуткім часе не будзе, бо я сама за Інтэрнэт плачу. Палову свайго заробку ў Акадэміі. У нас што дабрабыт пісьменнікаў палепшыцца да канца года? напiсала anna 16.07.2002, 16:55
Аркуш і Раман - дзякую! Пачакаем, паглядзім :-) напiсаў Зьмiцер Лапцёнак 16.07.2002, 17:02
каханьне з біфштэксам - абы што. хто такую лабуду насачыняў? напiсаў don 16.07.2002, 17:21
Ганна, ты ж ведаеш, што я падзяляю на сяброў СП і несяброў не па наяўнасьці білета. Для мяне сябар СП, гэта пісьменьнік, які застаўся ў мінулым часе й ніяк адтуль не выдзярэцца. Што, не было відаць 5-10 гадоў таму, што СП у такім выглядзе не ўтрымаецца? Нехта заплюшчыў вочы і застаўся, а нехта разьвітаўся і пашыбаваў сваёй дарогай (няхай сабе і з білетам у кішэні). Як ты, або Глобус. Чаму ў сяброў ТВЛ амаль ва ўсіх ёсьць кампутары і інтэрнэт? Таму што мы ня зьвязвалі свой лёс і спадзяваньні з СП, а самі пачалі думаць - і як жыць, і як працаваць, і дзе браць грошы на ўсё. У Шыдлоўскага ёсьць комп, а ў якога-небудзь народнага пісьменьніка няма. Праўда, дзіўна. А наконт грошай. Ведаеш, гадзіна ў інтэрнэт-кавярні каштуе менш за даляр. Гэта як піва папіць. напiсаў Алесь Аркуш 16.07.2002, 18:37
Алесю Аркушу, Я буду толькі "за", калі на форумы прыдуць такія пісьменнікі як Арлоў, Мудроў, Разанаў… Але нешта мне не хочацца, каб прыходзілі — ой, ну многа хто. А іх "інфу", іх "таямніцы" я ўсе ведаю — будуць данасіць адзін на аднаго ў каго колькі грошай… напiсала anna 17.07.2002, 00:27
Ганне У асяродку беллітаратараў назапасілася шмат крыўдаў. Гэта як нарыў. І пакуль ён не прарве, нічога ня зьменіцца ў міжлітарацкіх дачыненьнях. Ня думаю, што будуць пісаць пераважна пра грошы. Вунь, пра Дайнеку ніхто ня піша. Тут нешта іншае. Закрануты гонар? напiсаў Алесь Аркуш 17.07.2002, 09:07
Ганне Я проста кажу, што ад гэтага нам нікуды ня дзецца. А то ты яшчэ падумаеш, што тое прышесьце я наўмысна інсьпірую. А зь іншага боку - бяз іх нам нікуды. Бо бел.літаратура - гэта мы ў сукупнасьці. Наіўна думаць, што бел.літаратура, гэта нейкая абстракцыя, на ўзор "мой народ". Гэта вельмі канткрэтна. Канкрэтны пісьменьнік і канкрэтны чытач, часта ў адной асобе. напiсаў Алесь Аркуш 17.07.2002, 09:32
Ганьне: А мне здаецца‚ што ніхто тут грашовае пытаньне падымаць і дыскутаваць ня будзе. Я быў-бы вельмі моцна зьдзіўлены‚ калі-б такое адбылося. Магчыма я ідэаліст‚ але я‚ збольшага‚ ведаю што анёлаў з крыштальна чыстымі рукамі сяррод пісьменьнікаў не назіраецца. Нікому‚ як мне здаецца‚ ня хочацца каб у адказ на ягоную палымяную прамову ў аблічэньні нейкіх грашкоў атрымаць порцыю бруду на сваю галаву. Ці атрымалі маё мыла? Аркушу: Штосьці Вы занадта сурова ды крытычна падыходзіце да сваіх сяброў і ворагаў па творчым‚ пісьменьніцкім "цэху". Памятаеце быў калісьці такі штамп? У тым што беларуская літаратура справа зусім канкрэтная выцякае з таго‚ што абстракцыю нельга памацаць рукамі. А тут‚ калі ласка‚ можаш памацаць пісьменьніка‚ але калі не дацягнуўся дык хаця-б кнігу‚ таго-ж пісьменьніка. Вось толькі‚ як мне здаецца‚ апошнім часам пісьменьнікаў усё больш і больш‚ а кніг усё менш ды менш. Я маю на ўвазе добрых‚ якасных не па друкаваньню‚ кніг. І што самае галоўнае ўсе як у адзін голас цьвердзяць аб адсутнасьці рынку‚ чытачоў‚ і г.д. А можа рынак адсутнічае‚ што няма якаснага тавару? напiсаў Раман Кардонскі 17.07.2002, 15:21
Раману Мне здаецца, я наадварот прапаведую яднаньне і супольнае сумоўе. У мяне няма ворагаў "у творчым, пісьменьніцкім цэху". Проста кожны мае права выкладаць сваю рацыю. Але гэта зусім ня значыць, што я патрабую ад кожнага трымацца маіх пастулятаў. А пра кніжныя справы чытайце ў сёньняшнім БДГ інтэрвію з новым дырэктарам выдавецтва "Мастацкая літаратура". напiсаў Алесь Аркуш 17.07.2002, 16:36
Раману А чаму вас не задавальняе беларуская літаратура з сеціва? Ці ў вас няма добрай друкаркі? Раздрукаваў, зрабіў файную скураную вокладку (можна нават са скуры кракадзіла), - вось і маеш кнігу. Прычым сам зьяўляешся яе укладальнікам. Я, напрыклад, часам так і раблю. У мяне нават ёсьць уласны пераплётчык для такіх спраў. Вось зараз рыхтую кнігу "Лепшыя форумы Беларускай Палічкі і Літары". Дарэчы, сярод яе аўтара ёсьць і вы. напiсаў Алесь Аркуш 17.07.2002, 16:59
Аркушу: Тое‚ што Вы прапано'ваеце‚ я раблю з 1998-га году. Карыстаюся службовым становішчам выкарыстоўваю свой службовы прынтар‚ які друкуе з абодвух бакоў бачыны‚ каб надрукаваць тую ці іншыю рэч з "Палічкі". Праўда пераплятаць неяк не дадумаўся. І друкую не так для сябе‚ хоць і выступаю заўсёды як першы чытач‚ а для сяброў нашага Адзьдзелу. Мне дарэчы ня трэба пераплятаць‚ бо ёсьць тут такая карысная рэч‚ як "байндэр"‚ папка такая. Дык і амаль усё‚ што на "Палічцы" ёсьць я збольшага перачытаў‚ прынамсі з мастацкай прозы й перакладаў. напiсаў Раман Кардонскі 17.07.2002, 17:14
Аркушу: Прачытаў я тое інтэрвью. Ну і? Што я там павінен быў вычытаць? Не зразумеў. Што выдавецва ў даўгах як шаўках мяне ня дзівіць‚ бо калі кнігі ляжаць з 1995-га году‚ то чаго-ж яшчэ чакаць? Мяне дзівіць зусім іншае. Бо і ў тую-ж Мастацкую літаратуру ды Юнацтва зьвяртаўся з прапановай супрацоўніцтва каб рэклямуючы тут тэматычныя пляны зьбіраць замовы й грошы за кнігі. Маўчаньне мне было адказам… Амэрыканцы хоць адпіску зробяць‚ а беларусы‚ як мая бабуня казала: "Ні насьцяру‚ ні дзякуй"… напiсаў Раман Кардонскі 17.07.2002, 21:14
Вы павiнны ўвайсьцi ў сыстэму або зарэгiстравацца (калi шчэ не зрабiлi гэтага), каб мець магчымасьць пiсаць камэнтары або навiны. | |
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
